تاراز قالاسىنىڭ پروكۋرورى جامبىل سماتوۆ،:

— اناسى بالاسىنان باس تارتاتىن بولعان. مەديسينا قىزمەتكەرلەرى ونى پايدالانىپ، پايدا تابۋ جانە ءوز نيەتىن جۇزەگە اسىرۋ ماقساتىندا ءبىر جارىم ميلليونعا ساتىلدى دەپ جاتىرمىز عوي. ول جەردە ءارقايسىنىڭ قاراجاتتان ءوز ۇلەسى بار.

پروكۋراتۋرا بۇل ءىستىڭ ناقتى قالاي اشكەرە بولعانىن اشىپ ايتپادى. بەلگىلىسى، بالانى باۋىرىنا باسقىسى كەلگەن 39 جاستاعى ايەل تاراز قالاسىنىڭ تۇرعىنى. ونىڭ جەكە باسى جايلى وزگە مالىمەت جوق. وسى دەرەك بويىنشا مەديسينا قىزمەتكەرلەرىنەن بولەك، ءسابيدى الۋشى دا، تۋعان اناسى دا، دەلدال دا جاۋاپقا تارتىلادى. ەكى اكۋشەر 12 جىلعا دەيىن جازاعا تارتىلۋى مۇمكىن. ولار تەرگەۋ قاپاسىندا جاتىر. ال ءتىرى تاۋارعا اينالعان نارەستە بالالار ۇيىنە جەتكىزىلدى.

 «ءۇمىت» بالالار ءۇيىنىڭ ديرەكتورى گۇلايىم مانىبايەۆا:

— بۇل بالا كەشە پوليسيا قىزمەتكەرلەرىمەن تۇنگى ساعات 1:33-تە بىزگە تۇسكەن. شامامەن 20 كۇندىك بالاعا ۇقسايدى. سالماعى 3 كەلى 420 گر. دەنەسى تازا، دەنساۋلىعى جاقسى.

ازاندا مەن ءوزىم كىرىپ شىقتىم، جاعدايى جاقسى. بۇلدىرشىنگە ءالى ات قويىلعان جوق. مۇنداعىلار ونى «بەلگىسىز جان» دەپ اتاپ ءجۇر. ءتۇبى جاڭا تۋعان ءسابي وسى جەردە قالاتىن ءتۇرى بار. ويتكەنى ونىڭ شەشەسى انا قۇقىعىنان ايىرىلۋى مۇمكىن. ەل اراسىندا ءتىرى تاۋاردىڭ اناسى 36 جاستاعى جامبىل اۋدانىنىڭ تۋماسى ەكەنى ايتىلۋدا. جانە ونىڭ بۇدان وزگە دە بالالارى بار كورىنەدى. ول قاماۋعا الىنعان جوق. قولحاتپەن ۇيىنە جىبەرىلگەن،  – دەيدى.