قاراعاندى قالاسى قازىبەك بي اتىنداعى اۋدان پروكۋراتۋراسى كوممەرسيالىق ماقساتتا جەر بەرۋ كەزىندە جەرگىلىكتى اتقارۋشى ورگاندار تاراپىنان بۇزۋشىلىقتار ورىن العانىن انىقتادى.

ياعني، قاراعاندى قالاسىنىڭ اكىمدىگى «مەملەكەتتىك مۇلىك تۋرالى» زاڭنىڭ 62-1-بابىن بۇزا وتىرىپ، باعالاۋ ءراسىمىن جۇرگىزۋسىز بۇرىن الىنعان جەر ۋچاسكەلەرىنىڭ ورنىنا تۇرعىن ەمەس ءۇي-جايلارى بار كوپپاتەرلى تۇرعىن ءۇي سالۋ جانە ونى ودان ءارى پايدالانۋعا بەرۋ ءۇشىن كوممەرسيالىق ماقساتقا 14 جەر ۋچاسكەسىن بەرگەن.

وسى ورايدا، باقىلاۋشى ورگان:

«پروكۋراتۋرانىڭ نارازىلىعى بويىنشا قالا اكىمدىگى جوعارىدا اتالعان قاۋلىنىڭ كۇشىن جويۋ تۋرالى تالاپتاردى تولىق كولەمدە قاناعاتتاندىردى، قۇنى 158 ملن تەڭگە بولاتىن 4 گا كوممەرسيالىق ماقساتتاعى 14 جەر ۋچاسكەسى مەملەكەتتىك مەنشىككە قايتارىلدى»، دەپ حابارلادى.

ودان بولەك، قازىبەك بي اتىنداعى اۋدان پروكۋراتۋراسى ۇزاق ۋاقىت بويى پايدالانىلماي جاتقان كوممەرسيالىق جەردى انىقتادى. ول جەر كودەكسىنىڭ 92-بابىنا سايكەس، قۇرىلىسقا ارنالعان جەر ۋچاسكەسى ماقساتى بويىنشا پايدالانىلماسا، وندا مۇنداي جەر ۋچاسكەسى ماجبۇرلەپ الىپ قويۋعا جاتادى.

“قاداعالاۋ اكتىسى بويىنشا كاداسترلىق قۇنى 1،1 ملرد. تەڭگە قۇرايتىن وسى جەر ۋچاسكەلەرى مەملەكەت مەنشىگىنە قايتارىلدى”، – دەلىنگەن اقپاراتتا.

ءىرى كاسىپكەرلەردىڭ ءبىرى 2018 جىلدان باستاپ جالپى اۋدانى 32 گا بولاتىن 6 كوممەرسيالىق جەر ۋچاسكەلەرىن يگەرۋگە شارالار قابىلداماعان.