نازاربايەۆ ۋنيۆەرسيتەتىنىڭ تاعدىرى مەن قازاقستاننىڭ كەيىنگى ۇرپاعىنىڭ بولاشاعى "پىشاقتىڭ ۇشىندا"، دەدى جوو-نىڭ بۇرىنعى پرەزيدەنتى، بۇگىندە قامقورشىلىق كەڭەسىنىڭ مۇشەسى بولىپ وتىرعان شيگەو كاتسۋ.

"وكىنىشكە قاراي، سوڭعى وقيعالار نازاربايەۆ ۋنيۆەرسيتەتىنە قاتتى كولەڭكە ءتۇسىردى. كوشباسشىلار توبى، ونىڭ بولاشاق قۇرامى، بەدەلى مەن قىزمەت باعىتى تۋرالى بەلگىسىزدىك جاعدايىندا. قارجىلىق مىندەتتەمەلەردىڭ قىسقارۋى جانە ۇكىمەتتىڭ ينستيتۋسيونالدىق قولداۋىنىڭ السىرەۋى ساياسي قىسىممەن ۇشتاسىپ، قازاقستاندىق ارماننىڭ ۇلكەن كەدەرگىلەرگە تاپ بولعانىن كورسەتەدى"، – دەيدى intellinews-كە ارنالعان ماقالاسىندا.

سونداي-اق ول جوو ءوزىنىڭ نەگىزگى قۇندىلىقتارىنىڭ ءمانىن ساقتاي وتىرىپ، وسى پروبلەمالاردى شەشە الاتىنىنا ۋاقىت تورەشى ەكەنىن ايتادى.

"ەگەر بۇل كەدەرگىلەر جوعارى ءبىلىم بەرۋدىڭ وسى جەمىستى جوباسىن بۇزسا نەمەسە تولىعىمەن جۇتىپ قويسا، ونىڭ سالدارى قازاقستان مەن ورتالىق ازيادان تىس جەرلەردە كورىنىس تابادى"، – دەپ ەسەپتەيدى ول.

شيگەو كاتسۋدىڭ ايتۋىنشا، نازاربايەۆ ۋنيۆەرسيتەتى پوستكەڭەستىك كەڭىستىكتەگى يننوۆاسيالىق، رەفورماتورلىق ينستيتۋتتار تىزىمىنە قوسىلا الادى. ولار جارقىن باستالدى، ءبىراق ساقتالا المادى. اقىرىندا ساتسىزدىككە ۇشىرادى.

"باقىلاۋشىلار، سونىڭ ىشىندە ينۆەستورلار كەڭەس وداعى كەزىندە بولعان ناقتى رەفورمالار تاعى دا ۇزاق كۇتۋگە تۋرا كەلەتىنىن تۇسىنە باستايدى. نازاربايەۆ ۋنيۆەرسيتەتىنىڭ تاعدىرى ءقازىر پىشاقتىڭ ۇشىندا. قازاقستاندىقتاردىڭ جاڭا بۋىنىنىڭ بولاشاعى زور. ولار وزدەرى ۇيىمداستىرعان تراگەديانىڭ ناعىز قۇربانى بولادى. بيلىك مۇنى مويىنداي ما جانە ولار وعان جاۋاپ بەرە مە؟". ماقالا وسىنداي سۇراقپەن اياقتالادى.

ماۋسىم ايىندا شيگەو كاتسۋ نازاربايەۆ ۋنيۆەرسيتەتىنىڭ پرەزيدەنتى قىزمەتىنەن كەتتى. ول بۇل قىزمەتتى 13 جىلعا جۋىق اتقارعان بولاتىن. قازىرگى ۋاقىتتا ول ۋنيۆەرسيتەتتىڭ قامقورشىلىق كەڭەسىنىڭ مۇشەسى.

جازدا عىلىم جانە جوعارى ءبىلىم ءمينيسترى ساياسات نۇربەك نۋ-نى قارجىلاندىرۋ ءتارتىبى وزگەرىسسىز قالادى دەپ مالىمدەگەن بولاتىن. ال وتكەن اپتادا ول ۋنيۆەرسيتەت ەرەكشە مارتەبەدەن ايىرىلمايتىنىن ايتتى.