كەزىندە قازاقتىڭ سىرتقى ىستەر مينيسترلىگىندە جۇمىس ىستەگەن، ۆيزا بەرۋ مەن شەتەلدىك ازاماتتاردىڭ كەلۋى ماسەلەسىن كاسىبي دەڭگەيدە بىلەتىن ەكس-ديپلومات قازبەك بەيسەبايەۆ ءبىرازدان بەرى دابىل قاعىپ كەلەدى:

قازاقستان الەمنىڭ كوپتەگەن دامىعان ەلدەرى ءۇشىن ءوز تاراپىنان ءبىرجاقتى ۆيزاسىز رەجيم ەنگىزىپ قويعان. ەۋروپا ەلدەرى، اقش، كانادا، ساۋد ارابياسى، كۋۆەيت، سينگاپۋر سىندى ەلدەردىڭ ازاماتتارى ءۇشىن. ويتكەنى ونداي دامىعان، حالقىنىڭ تۇرمىسى جوعارى، ەركىن ەلدەر قازاقستان ءۇشىن ەشقانداي زاڭسىز ميگراسيا ءقاۋىپىن توندىرمەيدى. بۇل ەلگە بيزنەس تارتىپ، ءتۋريزمدى دامىتۋ ماقساتىندا جاسالعان شارا ەكەنى تۇسىنىكتى.

ال دامۋى بىزدەن دە ارتتا قالعان، اۋىر ەكونوميكالىق پروبلەمالارى بار، حالقى كەدەي ەلدەر ارينە، قازاقستان ءۇشىن زاڭسىز ميگراسيا ءقاۋىپىن، ودان تۋىندايتىن كوپتەگەن جايسىزدىقتار توندىرەدى.

دەنى دۇرىس كەز-كەلگەن مەملەكەت ءوزىن زاڭسىز كەلىمسەكتەردەن قورعاۋى ءتيىس.

افريكاداعى اش-جالاڭاش ەلدەردىڭ ازاماتتارى قازاقستاننىڭ كونسۋلدىق بولىمدەرىنەن جاپپاي تۋريستىك ۆيزا سۇراپ جاتىر. ال ءبىزدىڭ ەلشىلىكتەردىڭ قىزمەتكەرلەرى سۇراعان ۆيزالارىن وپ-وڭاي بەرىپ جاتىر. سوڭعى جىلدارى قازاقستاندا افريكادان كەلگەن تۋريستەردىڭ قاپتاپ كەتكەنىن باسقاشا ءتۇسىندىرۋ قيىن.

زاڭ بويىنشا، قازاقستانعا ۆيزامەن كەلگەن شەتەلدىكتەردىڭ ءبارى ۆيزا مەرزىمى وتكەننەن سوڭ قازاقستاننان كەتۋى كەرەك. ءبىراق قازاقستاندا جۇرگەن افريكالىق تۋريستەر ەشقايدا كەتپەي، وسىندا قالدى. وتكەندە باق-تا افريكادان زاڭسىز كەلگەن ازاماتتاردىڭ ۇستالعانى تۋرالى اقپارات تارادى.

ناقتى جاعدايعا كەلسەك، الماتىعا افريكا ەلدەرىنەن جاپپاي تۋريستەر كەلدى. ولاردىڭ ءبىر توبى قالاي ەكەنى بەلگىسىز، كەلۋىن زاڭداستىرىپ الىپ، جۇمىس تاۋىپ العان. تاعى ءبىرازى قازاقستاننان كەتىپ، رەسەي اسقان بولۋى مۇمكىن، ويتكەنى افريكالىقتاردىڭ كوبىنىڭ تۇپكى ماقساتى ەۋروپا. ازيا مەن افريكا ەلدەرىنىڭ ميگرانتتارى ورىس پەن فينن شەكاراسىندا توپىرلاعانى تۋرالى اقپارات تاراعان. ولار قازاقستان مەن رەسەي شەكاراسىنان قالاي ءوتتى دەگەن سۇراق تۋىندايدى.

ەندەشە، قازاقستاندا بىرەۋلەر زاڭسىز ميگرانتتاردى تۋريست دەپ ەلگە كىرگىزۋمەن اينالىسادى. تۋريستىك ۆيزا بەرۋ ىسىنە مەملەكەتتىك ورگانداردىڭ قاتىسى بار. ولار مۇنى بەلگىلى ءبىر ماقساتپەن ىستەپ وتىر. ۋاقىت وتە الىستاعى ەلدەردەن كەلگەن شەتەلدىكتەردىڭ كوبەيۋى قازاقستاندا الەۋمەتتىك شيەلەنىس تۋدىرادى. ءتيىستى ورگانداردىڭ وسىنى نەگە ويلامايتىنى تاعى ءبىر سۇراق.

– ءبىز قازاقستانعا زاڭدى كەلەتىندەرگە ەش قارسى ەمەسپىز. ءبىراق ءدال وسى افريكا ەلدەرىنەن كەلگەن قوناقتار نەگە كوزگە شىققان سۇيەلدەي كورىنەدى؟ ويتكەنى ولار تىم بولەك، ازيا مەن ەۋروپالىق ءبىزدىڭ ءناسىلدىڭ جانىندا ولار الابوتەن.

قوناق دەگەن شايىن ءىشىپ، قايتىپ كەتۋى كەرەك. ۆيزالىق رەجيم دەگەن سول. قوناقتى شاقىرۋعا بولادى، قوناقتاپ بولعان سوڭ ول كەتەدى. قازاقستاندا تۋريست بولعىسى كەلە قالعاندار سانىنىڭ كۇرت كوبەيگەنى الاڭدايتىن جاعداي. ءتۇرى دە، جاعدايى دا تۋريستكە كەلمەيتىندەردى ۇيىمىزگە كىرگىزىپ جاتىرمىز. ولار كەلىپ الىپ، وسىندا قالايىق، ەندى كەتپەيمىز دەدى. بۇل ءبىزدىڭ ۆيزاعا جاۋاپتى تۇلعالارىمىزدىڭ ۇلت قاۋىپسىزدىگىنە جاساعان قاستاندىعى. ولاردى ەندى نە ىستەيمىز؟ بۇل دابىل قاعاتىن جاعداي، بىزگە بىردەڭە قىلۋ كەرەك، – دەيدى ول.