"وتكەن 2023 جىلدىڭ ەڭ باستى قۋانىشتى قورىتىندىسى – ەلدە ەشبىر ەلەۋلى وزگەرىس بولعان جوق"، دەپ شۇكىرشىلىك ايتقان ەكەن دانيار اشىمبايەۆ دەيتىن قازاقستانداعى ءورىستىلدى ساياساتتانۋشى.
ەسكى-جاڭا قازاقستاندى ەشقاشان سىناپ كورمەگەن وعان سالساڭ ارينە، بۇل ەل وزگەرمەۋى كەرەك، وسى وتىرىسىمىز وتە جاقسى-مىس.
ەكىنشى وتىرىكشى قارجى ءمينيسترى ەرۇلان جاماۋبايەۆ بولدى.
ونىڭ ايتقان وتىرىگى بەس كۇننەن كەيىن اشىلىپ قالدى.
قارجى ءمينيسترى 1 قاڭتاردان باستاپ قازاقستاندا ءموبيلدى اۋدارىمدار باقىلانىپ، كاسىپكەرلەر "جاسىرىن" جۇمىسقا كوشىپ كەتپەي مە، دەگەن سۇراققا 27 جەلتوقساندا "ءقازىر ەشكىم قولما-قول اقشا ۇستامايدى، قولما-قول اقشا ۇستاۋ ىڭعايسىز. دۇكەنگە بارىپ، بەس مىڭدى ايىرباستاۋ مۇمكىن ەمەس. حالىق جالما-جان قولما-قول اقشاعا كوشە جونەلەدى دەپ ويلامايمىن"، دەپ جاۋاپ بەرگەن ەدى.
2024 جىل دا كەلدى. ءبىراق قازاقستان قوعامى العا دامۋدىڭ ورنىنا بىرنەشە جىلعا كەرى كەتتى.
ءيا، 1 قاڭتاردان باستاپ قالتاداعى قاعاز اقشاعا قايتا ورالدىق. دۇكەن اتاۋلى مەن قىزمەت كورسەتەتىن جەرلەردىڭ ءبارى Kaspi اۋدارىم مەن QR ارقىلى اقى الۋدان ات-تونىن الا قاشتى ءبىر-اق كۇندە!
سيفرلىق قازاقستان جايىنا قالدى. قاعاز اقشاعا قايتا ورالدىق.
ەندى بۇرىنعىداي كوشەنىڭ جيەگىنە شىعىپ، قول كوتەرىپ تاكسي ۇستايتىن بولامىز. تاكسيشىلەرگە دە تىقىر تايانادى بيىل. بيىل بيزنەستى تەكسەرۋگە جاريالانعان ءموراتورييدىڭ اياقتالۋىنا بايلانىستى كاسىبىنىڭ ارقاسىندا 2024 جىلعا كەدەي بولىپ كىرمەگەن كاسىپكەرلەر ەندى تاپقانىن "تەكسەرۋشىلەرمەن" بولىسەتىن بولدى.
قاراپ وتىرساق، قىسىم بارلىق جاقتان كۇشەيە ءتۇستى.
ايتپاقشى، بيىل اەس قۇرىلىسى بويىنشا رەفەرەندۋم ءوتىپ، سوسىن قۇرىلىس باستالۋى مۇمكىن.
پىكىر قالدىرۋ