مەملەكەت باسشىسى قاسىم-جومارت توقايەۆ الماتى وبلىسىنىڭ اكىمشىلىك-اۋماقتىق قۇرىلىمىن وزگەرتۋ تۋرالى جارلىققا قول قويدى.
«الماتى وبلىسىنىڭ اكىمشىلىك-اۋماقتىق قۇرىلىسىنداعى وزگەرىستەر تۋرالى «ق ر اكىمشىلىك-اۋماقتىق قۇرىلىسى تۋرالى» ق ر زاڭىنىڭ 9-بابىنا سايكەس قاۋلى ەتەمىن:
- الماتى وبلىسىنىڭ ىلە اۋدانى ودان جەتىگەن اۋىلىن ءبولۋ جولىمەن قايتا ۇيىمداستىرىلسىن.
- الماتى وبلىسى ىلە اۋدانىنىڭ جەتىگەن اۋىلى وبلىستىق ماڭىزى بار قالا ساناتىنا جاتقىزىلسىن جانە ونىڭ اتاۋى الاتاۋ قالاسى بولىپ وزگەرتىلسىن.
- قازاقستان رەسپۋبليكاسىنىڭ ۇكىمەتى وسى جارلىقتىڭ 1 جانە 2-تارماقتارىن ىسكە اسىرۋ جونىندە قاجەتتى شارالار قابىلداسىن،
دەلىنەدى پرەزيدەنت قاۋلىسىندا.
جەتىگەن اۋىلى 1993 جىلعا دەيىن نيكولايەۆكا، 1873 جىلعا دەيىن كۋتەنتايسكوە دەپ اتالعان.
2022 جىلى اۋىل تۇرعىندارىنىڭ سانى 25 مىڭ ادامنان اسقان.
پىكىر قالدىرۋ