«بۇگىن بارشاڭىزدى مادەنيەت جانە ونەر قىزمەتكەرلەرى كۇنىمەن شىن جۇرەكتەن قۇتتىقتايمىن! بۇل ءبىزدىڭ وسى مەرەكەگە وراي العاش كەزدەسۋىمىز. مادەنيەت پەن ونەر – ەل ومىرىندەگى ەڭ ماڭىزدى سالا. ونەر – ۇلتتىڭ جانى، ال مادەنيەت – رۋحاني كەلبەتى. بۇل قوس قۇندىلىقتى وركەنيەتىمىزدىڭ وزەگى دەۋگە بولادى. ونى ساقتاپ بايىتا ءتۇسۋ – ورتاق پارىز. ءابىش كەكىلباي ۇلى: «مادەنيەت تاريحى تۇپتەپ كەلگەندە ادامزات تاريحى» دەگەن. قازاقتىڭ ءبىتىم-بولمىسىن ونىڭ ءتول ونەرىنەن كورۋگە بولادى. حالقىمىزدىڭ اسىل مۇراسى – جاھاندىق وركەنيەتكە قوسىلعان قۇندى قازىنا. ءبىزدىڭ مادەنيەتىمىز ۇلتتىڭ رۋحاني دەربەستىگىنىڭ كەپىلى. سوندىقتان دا مادەنيەت پەن ونەردى دامىتۋ مەملەكەتىمىز ءۇشىن نەگىزگى باسىمدىقتىڭ ءبىرى»، - دەدى پرەزيدەنت.
مەملەكەت باسشىسى ەلىمىزدە ساياسي جانە ەكونوميكالىق رەفورمالار جۇزەگە اسىرىلىپ جاتقانىن، وتە اۋقىمدى جۇمىس جاسالعانىن اتاپ ءوتتى.
«ءبىراق ەلىمىزدى تۇبەگەيلى جاڭعىرتۋ ءۇشىن ەڭ باستىسى ازاماتتاردىڭ سانى-سەزىمى وزگەرۋى كەرەك. حالقىمىز، اسىرەسە جاستارىمىز ءبىلىمدى، ەڭبەكقور، ۇقىپتى جانە ۇشقىر ويلى بولۋى قاجەت. ەلىمىز وزىق بولسىن دەسەك، ءبىز تەك قانا العا ۇمتىلىپ، جارقىن بولاشاققا سەنىممەن قاراۋىمىز كەرەك. بۇل ءبارىمىز ءۇشىن اسا جاۋاپتى مىندەت. ءبىز بۇكىل ەل بولىپ جۇمىلساق، وسى ماقساتىمىزعا جەتە الامىز. ءقازىر ۇلت رۋحانياتىنىڭ جاڭعىرتۋ ىسىنە قاتىستى شارالار قولعا الىنىپ جاتىر. بىلتىر مادەنيەت ساياساتىنىڭ 2029 جىلعا دەيىنگى تۇىجىرىمداماسىن قابىلدادىق»، - دەدى قاسىم-جومارت توقايەۆ.
پىكىر قالدىرۋ