2024 جىلى ۇستالعان ورال قالالىق سوتىنىڭ بۇرىنعى ءتوراعاسى رۋسلان جۇماعۇلوۆقا قاتىستى قىلمىستىق ءىس بويىنشا سوت پروسەسى اياقتالدى. ءىس باتىس قازاقستان وبلىسى تاسقالا اۋداندىق سوتىندا قارالدى.

ايىپتالۋشىلار قاتارىندا جۇماعۇلوۆپەن بىرگە تاعى ءبىر ادام – ادۆوكات تا بولدى. ەكس-سۋدياعا قازاقستان رەسپۋبليكاسى قىلمىستىق كودەكسىنىڭ 24-بابى 3-بولىگى جانە 190-بابى 3ء-بولىمىنىڭ 2-تارماعى ("الاياقتىققا وقتالۋ") بويىنشا ايىپ تاعىلدى. ال ادۆوكاتقا قاتىستى ءىس 190-باپتىڭ 2ء-بولىمىنىڭ 3-تارماعى، 24-باپتىڭ 3-بولىگى، 28-باپتىڭ 4-بولىگى جانە 367-باپتىڭ 2-بولىگى بويىنشا قارالدى.

سوت ۇكىمىمەن رۋسلان جۇماعۇلوۆ كىنالى دەپ تانىلىپ، وعان 2 جىل 7 اي 15 كۇنگە باس بوستاندىعىنان ايىرۋ جازاسى تاعايىندالدى. پروسەسس بارىسىندا ول ءۇي قاماقتا بولعان. الايدا ۇكىم جاريالانعاننان كەيىن سوت ونى سوت زالىندا قاماۋعا الۋ تۋرالى شەشىم شىعاردى.

ايتا كەتەيىك، ۇكىم ءالى زاڭدى كۇشىنە ەنگەن جوق.