قورعانىس مينيسترلىگىنە تەمىر جول جانە اۆتوجولدار بويىنشا اسكەري تەحنيكانى كوشىرۋ تۋرالى ەسكەرتىلدى، دەپ جازادى Qamshy.kz اقپاراتتىق اگەنتتىگى.
3-6 ماۋسىم ارالىعىندا ق ر قارۋلى كۇشتەرى بولىمشەلەرىنىڭ جاۋىنگەرلىك دايىندىعى بويىنشا جاتتىعۋلار وتكىزىلەدى. جەكە قۇرام مەن جاۋىنگەرلىك تەحنيكانى ءارتۇرلى وڭىرلەردەگى پوليگوندارعا شەرۋمەن جانە تەمىر جولمەن اۋىستىراتىن بولادى.
جاتتىعۋ بارىسىندا بولىمدەردىڭ بەلگىلەنگەن مەرزىمدە ماقساتى بويىنشا مىندەتتەردى ورىنداۋ قابىلەتتىلىگى مەن ۇيلەسىمدىلىگى، اسكەري قىزمەتشىلەردىڭ دايىندىعى، سونداي-اق كومانديرلەردىڭ باعىنىستى جانە بەرىلگەن بولىمشەلەردى باسقارۋ داعدىلارى باعالانادى.
"وسىعان بايلانىستى الەۋمەتتىك جەلىلەردى پايدالانۋشىلاردان اسكەري تەحنيكانىڭ قوزعالىسى تۋرالى جالعان حابارلامالار مەن بەينەماتەريالداردى تاراتپاۋدى جانە تەك رەسمي اقپارات كوزدەرىنە سەنۋدى سۇرايمىز"، - دەپ حابارلادى قورعانىس مينيسترلىگى.
پىكىر قالدىرۋ