اقپاراتتىق-كوممۋنيكاسيالىق تەحنولوگيالار ءومىرىمىزدىڭ ءمانى مەن سانىنە اينالعالى قاشان. بۇگىنگى كۇندە ينتەرنەتسىز جانە ۇيالى تەلەفونسىز ءومىردى ەلەستەتۋ مۇمكىن ەمەس. قازىرگى زاماندا كومپيۋتەر مەن سىمسىز بايلانىستاردى مەڭگەرمەگەن جان حح عاسىردىڭ باسىنداعى جازۋ-سىزۋدى، وقۋدى بىلمەگەن اداممەن تەڭ. وسىنى ەسكەرگەن مەملەكەت باسشىسى «جاڭا الەمدەگى جاڭا قازاقستان» اتتى جولداۋىندا ەلىمىزدى اقپاراتتىق-كوممۋنيكاسيالىق تەحنولوگيالاردىڭ ەڭ ۇزدىك ۇلگىلەرىمەن قامتۋ ماسەلەسىنە كەڭىنەن توقتالىپ، ءتيىستى ورگاندارعا ءبىرقاتار تاپسىرمالار جۇكتەگەن ەدى.
اتالعان جولداۋىندا ەلباسى: «ءبىز بۇكىل ەلىمىز بويىنشا الەمدىك ستاندارتتار دەڭگەيىندە ساپالى ءبىلىم بەرۋ قىزمەتىن كورسەتۋگە قول جەتكىزۋىمىز كەرەك»، دەگەن ەدى. اقپاراتتىق تەحنولوگيالار مەن اقپاراتتى تاراتۋدىڭ جاڭا نىساندارىنا باعىتتالعان مامانداندىرىلعان ءبىلىم بەرۋ باعىتتارىن قۇرۋ مىندەتى مەن ون-لاين تاسىلىندە وقىتۋ تاجىريبەسىن دامىتىپ، ەلىمىزدە وقۋ تەلەديدارىن قۇرۋ قاجەت ەكەندىگى دە وسىناۋ مەلەكەتتىك قۇجاتتان ورىن تاپقان. سەبەبى، حالىقتى اقپاراتتىق-كوممۋنيكاسيالىق تەحنولوگيالارمەن تولىق جاراقتاندىرىپ، ونى جەتكىلىكتى دەڭگەيدە مەڭگەرتۋ ءۇشىن ءبىرىنشى كەزەكتە ءبىلىم بەرۋدى تياناقتاپ، سالانى يگەرگەن ساپالى ماماندار جاساقتالۋى ءلازىم. وسىعان وراي، بۇگىنگى كۇنى ءبىلىم بەرۋ جۇيەسى جاڭا پەداگوگيكالىق تەحنولوگياعا نەگىزدەلۋىن جانە اقپاراتتىق قۇرالداردىڭ كەڭىنەن قولدانىلۋىن قاجەت ەتەدى. ما­مانداردىڭ پىكىرىنە جۇگىنسەك، وقۋ-تاربيە ۇردىسىندە جاڭا اقپاراتتىق تەحنولوگيالاردى پايدالانۋ زامان تالابىنان تۋىنداپ وتىر.
اشىق ۇكىمەت، اشىق قوعام قۇرۋدى ماقسات ەتىپ قوي­عان قا­زاق­ستان اقپاراتتىق-تەلەكو­م­مۋ­نيكاسيالىق تەحنولوگيانىڭ ەلەكتروندى ەسەپتەگىش تەحنيكاسىمەن جۇمىس ىستەۋگە، كومپيۋتەردى پايدالانۋعا، مودەلدەۋگە، ەلەكتروندى وقۋلىقتاردى، ينتەراكتيۆتى قۇرالداردى قولدانۋعا، ينتەرنەتتە جۇمىس ىستەۋگە، كومپيۋتەرلىك وقىتۋ باعدارلامالارىنا باس­تى نازاردى اۋدارىپ وتىر. اقپاراتتىق ادىستەمەلىك ماتەريال­دار كوممۋنيكاسيالىق بايلانىس قۇرالدارىن پايدالانۋ ارقىلى ۇنەمى ءبىلىم بەرۋدى جەتىلدىرىپ ءجۇرۋدى كوزدەيدى. ويتكەنى، اق­پا­راتتىق-كوممۋنيكاسيالىق تەح­نولوگيانىڭ كەلەشەك ۇرپاقتىڭ جان-جاقتى ءبىلىم الۋىنا، ىسكەر ءارى تالانتتى، شىعارماشىلىعى مول، ەركىن دامۋىنا جول اشاتىن پەداگوگيكالىق، پسيحولوگيالىق جاعداي جاساۋ ءۇشىن دە تيگىزەر پايداسى مول بولماق. سەبەبى، ءححى عاسىر – بۇل اقپاراتتىق قوعام ءداۋىرى، تەحنولوگيالىق مادەنيەت زامانى، اينالاداعى دۇنيەگە، ادامنىڭ دەنساۋلىعىنا، كاسىبي مادەنيەتىنە مۇقيات قارايتىن ءداۋىر. ونىڭ جارقىن مىسالى – بىرىككەن ۇلتتار ۇيىمىنىڭ شەشىمىمەن «ءححى – عاسىر اقپاراتتاندىرۋ عاسىرى» دەپ اتالعانى. قۋانارلىعى، قازىرگى كەزدە ءبىزدىڭ ەلىمىز دە عىلىمي-تەحنيكالىق پروگرەستىڭ نەگىزگى بەلگىسى – قوعامدى اقپاراتتاندىرۋ بولاتىن جاڭا كەزەڭىنە ەندى.
ينتەرنەتتiڭ مۇمكiندiگi شەكسiز. تالعامىڭىز بەن كوڭiل-كۇيiڭiز­گە قاراي ودان سiزدi قىزىق­تى­راتىن كوپ نارسە تابۋعا بولادى. Yيدەن شىقپاي گازەتتiڭ تىڭ ءنو­ءمىرiن پاراقتاعىڭىز كەلەمە، مەيiلiڭiز. تەك WWW نەمەسە Web دەپ اتالاتىن الەمدiك شىر­ماۋ­ىقتى قولدانساڭىز جەتەدi. گيپەرسiلتەمە جۇيەسi ارقىلى قا­جەتتi باسىلىمىڭىزدى قاس-قاعىم ساتتە تاۋىپ الاسىز. ين­تەر­نەتتەن عالىم دا، بيزنەسمەن دە، كومپيۋتەرلiك ويىن اۋەسقويى دا، ءبارiء-بارi قاجەت مالىمەتىن تابادى. ينتەرنەت وسىلاي كۇندەلiكتi تۇرمىس پەن جۇمىستىڭ اينىماس قۇرالىنا اينالىپ كەلەدi. ونىڭ نەگىزى اقش-تا جاسالعانمەن، ناقتى يەسى جوق. ءاربىر ۇكىمەت، كومپانيا، ۋنيۆەرسيتەت اقپاراتتىق قىزمەت ۇسىنا وتىرىپ، بۇل جەلىنىڭ تەك قانا ءوز بولىگىنە يەلىك ەتەدى. وسى ويعا ويىسساق، ينتەرنەتكە جەكە-دارا ەشكىم دە قوجالىق جاساي المايدى. سوندىقتان ول شىن مانىندە ادامزاتتىڭ الەمدىك قازىناسى بولىپ تابىلادى.
ءبىزدىڭ ەلىمىزدە اقپاراتتىق قوعامنىڭ بىرىنە عانا ەكپىن جاسالدى. حالىقارالىق رەيتينگتەرگە زەر سالساق، ءساتتى ىسكە اسىرىلعان ەلەكتروندى ۇكىمەتتى قالىپتاستىرۋ مەن دامىتۋ ءىسى جۇيەلى جۇرگىزىلىپ كەلەدى ەكەن. الايدا، اقپاراتتىق قوعامدى قالىپتاستىرۋ مىندەتى البەتتە تەك ەلەكتروندى ۇكىمەت پەن تەلەكوممۋنيكاسيا سالاسىن دا­مى­تۋعا قاراعاندا الدەقايدا كەڭىرەك.
سوندىقتان، اقپاراتتىق قو­عام­عا كوشۋگە ىقپال جاسايتىن بار­لىق قاجەتتى جاعدايلاردى قاراس­تىرۋ ءۇشىن جانە مەملەكەت باسشىسىنىڭ «قازاقستاننىڭ الەۋ­مەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» اتتى ماقالاسىندا بەرىل­گەن تاپسىرمالاردى ورىنداۋ ماق­ساتىندا «اقپاراتتىق قا­زاق­ستان-2020» مەملەكەتتىك باع­دارلاماسى ازىرلەندى.
باعدارلامانى دايىنداۋ بارىسىندا اقپاراتتىق قوعامدى قۇرۋدىڭ حالىقارالىق ءتاجىري­بە­سىنە جانە ءبىرقاتار ماڭىزدى قۇجاتتاردىڭ ەرەجەلەرىنە سۇيەنە وتىرىپ، ءتورت نەگىزگى باعىتى انىق­­تالدى. ولار – مەملەكەتتىك باس­قارۋ جۇيەسىنىڭ تيىمدىلىگىن قام­تا­ماسىز ەتۋ، اقپاراتتىق-كوم­مۋ­­ني­­كاسيالىق ينفرا­قۇرى­لىم­نىڭ قولجەتىمدىلىگىن رەتتەۋ، قوعامدى الەۋمەتتىك-ەكونو­مي­كالىق جانە مادەني دامىتۋعا ارنال­عان اقپاراتتىق ورتانى قۇرۋ مەن وتان­دىق اقپاراتتىق كەڭىس­تىكتى دامىتۋ. اتالعان باعىت­تاردىڭ شەڭبەرىندە اكت-نى جەر-جەردە ەنگىزۋ ارقىلى مەملە­كەتتىك باسقارۋدى جەتىل­ءدىرىپ، اشىق ءارى ۇتقىر ۇكىمەت قۇرى­لادى. ناتيجەسىندە، اقپارات­تىق ينفراقۇرىلىمنىڭ قولجەتىم­دىلىگىن دامىتۋ بويىنشا مىندەتتەر شەشىلەدى.
اقپاراتتىق قوعامدى دامىتۋ – ادامي رەسۋرستاردى دامىتۋ ەكەنى ءمالىم. سوندىقتان، ازاماتتارعا ەلەكتروندى ءبىلىم الۋ ارقىلى اقپاراتتىق تەحنولوگيالاردى يگەرۋگە جانە ولارمەن جۇمىس ىستەۋگە داعدىلانعان ءجون. بۇعان قوسا، ءومىر بويى وقۋعا جانە دايىندالۋعا، قا­شىقتان جۇمىس ىستەۋگە، قولجەتىمدى ەلەك­تروندى دەنساۋلىق ساقتاۋ قىزمەتتەرىن الۋعا جاعداي جاسالۋى كەرەك. وسىنىڭ ءبارى اتالعان باعدارلامادا بار. سونداي-اق، ەلىمىزدىڭ اشىق، قولجەتىمدى جانە باسەكەلەستىككە قابىلەتتى ەكونوميكاسىن قۇرۋ ءۇشىن، باعدارلاما ارقىلى شارۋاشىلىقتىڭ نەگىزگى سالالارىنا زياتكەرلىك جۇيەلەردى بارىنشا كوپ ەنگىزۋ كوزدەلگەن. اقپاراتتىق قوعامعا كوشۋ ساياسا­تىنىڭ تيىمدىلىگى، اكت-نى كەڭى­نەن قولدانىپ، ەلەكتروندى قىز­مەت­تەردى كورسەتۋ جونىندەگى بيزنەس پەن مەملەكەتتىڭ كۇشىن شوعىر­لاندىرۋعا بايلانىستى بولادى.
«اقپاراتتىق قازاقستان-2020» مەملەكەتتىك باعدارلاماسى ەلى­ءمىز­ءدىڭ اقپاراتتىق قوعامعا كوشۋ ستراتەگياسىن جۇزەگە اسىرۋدىڭ قورىتىندى كەزەڭى بولادى، دەيدى ماماندار.

دەرەككوز: ەگەمەن قازاقستان