دزيۋدودان حالىقارالىق جارىستاردا قازاقستان اتىنان ب ا ق سىناپ، ريو وليمپياداسىنىڭ قولا جۇلدەگەرى اتانعان موڭعول قىزى گالبادراح وتگونسەسەگ ءوز ەلىنىڭ ازاماتتىعىن الۋعا ءوتىنىش بەردى. "ءبىرىنشى بول" حابارلاعانداي، جەلتوقسان ايىندا ول قازاقستان ازاماتتىعىنان باس تارتقان.

گالبادراح 2021 جىلى مانسابىن اياقتاپ، ەلىنە قايتقان. تۇرمىسقا شىعىپ، دۇنيەگە ءسابي الىپ كەلگەن. ال ءقازىر ۇلان-باتىردا جاتتىقتىرۋشى قىزمەتىن اتقارادى. ءقازىر ونىڭ دزيۋدو كلۋبىندا 100-دەن اسا جاس سپورتشى ءتالىم الادى. 

گالبادراح وتگونسەسەگ 48 كيلوعا دەيىنگى سالماقتا بەلدەستى. ءوز ەلىندە ءبىرىنشى ءنومىرلى سپورتشى اتانا المادى. موڭعول قۇراماسىندا قۇربىسى ۋرانسەسەگ مۋنحبات ۇزدىك بولدى. ناتيجەسىندە قازاقستان ازاماتتىعىن الىپ، حالىقارالىق جارىستارعا قاتىسقان ەدى. 

موڭعول دزيۋدوشىسى ءوز سۇحباتتارىندا قازاقستان اتىنان جارىستارعا قاتىسقانىنا وكىنبەيتىنىن ايتادى. سەبەبى وليمپيادا ويىندارىنا قاتىسىپ، جۇلدەگەر اتاندى. بالا ارمانىن ورىندادى. ءوزىنىڭ جاڭا مۇمكىندىكتەرىن اشقانىن جاسىرمادى.