پوليسيا كوشى-قون زاڭناماسىن بۇزعان 700-گە جۋىق شەتەلدىك تاكسي جۇرگىزۋشىسىن انىقتادى.
ىشكى ىستەر مينيسترلىگى "زاڭ مەن ءتارتىپ" قاعيداسىن قامتاماسىز ەتۋ ماقساتىندا، كوشى-قون باقىلاۋىن نىعايتۋ جانە ەل اۋماعىندا كوشى-قون زاڭناماسىن بۇزعان شەتەلدىكتەردى انىقتاۋ ءۇشىن "ءقاۋىپسىز جول" جەدەل-پروفيلاكتيكالىق ءىس-شاراسىن وتكىزگەن.
"كوشى-قون قىزمەتىنىڭ مالىمەتى بويىنشا، ءىس-شارا بارىسىندا 5 كۇن ىشىندە 46 مىڭ كولىك تەكسەرىلدى، 1 080 شەتەلدىك ازامات جەكە تاسىمالداۋمەن اينالىسقانى انىقتالدى. ولاردىڭ 691ء-ى ءموبيلدى قوسىمشالار ارقىلى كوشى-قون زاڭناماسىن بۇزىپ، جەكە تاسىمالمەن اينالىسقان. 234 شەتەلدىك ازامات زاڭسىز ەڭبەك قىزمەتىن جۇزەگە اسىرعانى ءۇشىن، 457 شەتەلدىك ازامات قر-دا بولۋ مەرزىمىن بۇزعانى ءۇشىن جاۋاپقا تارتىلدى"، - دەلىنگەن حابارلامادا.
سوت شەشىمى بويىنشا، 175 شەتەلدىك تاكسي جۇرگىزۋشىسى ەل اۋماعىنان شىعارىلدى. ولاردىڭ 103ء-ى جەكە باسىن انىقتاۋ ءۇشىن قابىلداۋ-تاراتۋ ورىندارىنا ورنالاستىرىلعان. سونىمەن قاتار، 38 قازاقستاندىق شەتەلدىك ازاماتتاردى زاڭسىز جۇمىسقا تارتقانى ءۇشىن اكىمشىلىك جاۋاپقا تارتىلدى.
پىكىر قالدىرۋ