ءمان-جاي
قوستاناي وبلىسىندا اينالما كانالدىڭ بىتەلۋى سالدارىنان سۋ تاسىپ، زيراتتى باسىپ قالدى. كانال 2024 جىلى كوكتەمدە قاراسۋ اۋدانىندا سالىنعان. ءبىراق ول ۇنەمى بىتەلىپ قالاتىن كورىنەدى. تۇرعىندار كوكتەم كەلە سالا سۋدىڭ دەڭگەيى كوبەيىپ، اۋىل سۋدىڭ استىندا قالا ما دەپ قورقىپ وتىر.
تجد نە دەيدى؟
قوستاناي وبلىسىنىڭ توتەنشە جاعدايلار دەپارتامەنتى قاراسۋ اۋدانىنا قاراستى نوۆوسەلوۆكا اۋىلىندا اۋا تەمپەراتۋراسىنىڭ تومەندەۋىنە بايلانىستى درەناجدىق ارنادا مۇز قاباتى پايدا بولىپ، سالدارىنان سۋ اعىپ كەتكەنىن حابارلادى.
- سۋ زيرات اۋماعىنا جەتىپ، ءىشىنارا بەيىتتى سۋ باسقان. قازىرگى ۋاقىتتا سۋ ودان ءارى تاراعان جوق. جەرگىلىكتى اتقارۋشى ورگانداردىڭ كۇشىمەن كانالدى تەرەڭدەتۋ جانە كەڭەيتۋ، سونداي-اق قۇندىز وزەنىنە وتكىزۋ ءۇشىن مۇزدى قوپسىتۋ بويىنشا ينجەنەرلىك جۇمىستار جۇرگىزىلۋدە. مامانداندىرىلعان تەحنيكانىڭ التى بىرلىگى جۇمىلدىرىلدى. قۇتقارۋشىلاردىڭ كۇشىمەن جاعدايدى مونيتورينگتەۋ ماقساتىندا تەحنيكامەن اينالىپ ءوتۋ جۇزەگە اسىرىلادى. جاعداي باقىلاۋدا، - دەپ حابارلادى قوستاناي وبلىسى تجد وكىلدەرى.
پىكىر قالدىرۋ