كەلتىرىلگەن زالال سوماسى – 3،5 ميلليارد تەڭگە.
ءيا، راسىندا دا پەريزات قايراتقا قاتىستى قىلمىستىق ءىس اياقتالدى. قازىرگى ۋاقىتتا پروسەستىڭ قاتىسۋشىلارى ءىس ماتەريالدارىمەن تانىسۋ ساتىسىندا. قوسىمشا ايتا كەتەيىن: تەرگەۋ بارىسىندا زالال سوماسىنا قاتىستى ءتۇرلى مالىمەتتەر ايتىلعان بولاتىن، الايدا قازىرگى تاڭدا ناقتى سوما – 3،5 ملرد تەڭگە دەپ بەلگىلەندى، – دەدى ەلەمەسوۆ سەناتتىڭ كۋلۋارىندا.
ونىڭ ايتۋىنشا، پەريزات قايرات گۇل دۇكەنىن ساتىپ الۋعا اقشا سالىپ، ءوزىن كاسىپكەر رەتىندە كورسەتۋگە تىرىسقان.
سونداي-اق ونىڭ اناسىنىڭ ۇستىنەن دە “الاياقتىق” بابى بويىنشا ءىس قوزعالدى. ول اقشانى جىلىستاتۋ بابى بويىنشا كۇدىكتى. ول قىزىنا كومەكتەسىپ، تۇسكەن اقشانى ءوز شوتىنا اۋدارىپ وتىرعان.
پىكىر قالدىرۋ