بۇگىن الەۋمەتتىك جەلىلەر مەن مەسسەندجەرلەردە قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ جۇبايى سارا نازاربايەۆانىڭ قايتىس بولعانى جونىندە اقپارات تارادى. الايدا بۇل مالىمەت شىندىققا جاناسپايدى.
بۇل تۋرالى ەلباسىنىڭ باسپا ءسوز حاتشىسى ايدوس ۇكىباي بۇگىن تاراعان قاۋەسەتتەرگە رەسمي تۇردە جاۋاپ بەردى. ونىڭ ايتۋىنشا، سارا نازاربايەۆا ءقازىر اۋرۋحانادا ەم قابىلداپ جاتىر، الايدا ونىڭ قايتىس بولعانى تۋرالى اقپارات — جالعان.
«الەۋمەتتىك جەلىلەر مەن ءتۇرلى مەسسەندجەرلەردە تاراپ جاتقان سارا الپىس قىزى نازاربايەۆانىڭ ومىردەن وزعانى تۋرالى حابارلامالار شىندىققا سايكەس كەلمەيدى. ول قازىرگى ۋاقىتتا دارىگەرلەردىڭ باقىلاۋىندا، جاعدايى تۋرالى تولىق اقپارات رەسمي ورگاندار ارقىلى بەرىلەتىن بولادى»، — دەدى ۇكىباي.
سونداي-اق، باسپا ءسوز حاتشىسى ازاماتتاردى جالعان اقپارات تاراتۋدان اۋلاق بولۋعا جانە تەك رەسمي دەرەككوزدەرگە عانا سەنۋگە شاقىردى.
ەسكە سالساق، مۇنداي اقپارات بىلتىر دا تاراعان بولاتىن.
