جۋىردا «اق جول» فراكسياسى وففشورلىق ايماقتار مەن شەتەلدىك يۋريسديكسيالاردان كاپيتالدى قايتارۋ ماقساتىندا راقىمشىلىق جاريالاۋدى ۇسىندى. بۇل ۇسىنىسقا جاۋاپ بەرگەن پرەمەر-مينيستر ولجاس بەكتەنوۆ مۇنداي باستاما ەلدىڭ قارجىلىق تۇراقتىلىعىن ارتتىرۋعا ىقپال ەتۋى مۇمكىن ەكەنىن اتاپ ءوتتى، الايدا ماسەلە جان-جاقتى ءارى مۇقيات تالداۋدى قاجەت ەتەتىنىن ايتتى.
ونىڭ ايتۋىنشا، مۇنداي راقىمشىلىق كەزىندە ۇيىمداسقان قىلمىس، تەرروريزم، ەسىرتكى اينالىمى سياقتى اۋىر قۇقىقبۇزۋشىلىقتارمەن بايلانىستى كاپيتالداردى زاڭداستىرۋعا جول بەرىلمەۋى ءتيىس. سونىمەن قاتار، حالىقارالىق كەلىسىمدەر مەن اكتيۆتەر ورنالاسقان ەلدەردىڭ زاڭنامالارى دا ەسكەرىلۋى قاجەت.
بۇعان دەيىن 2001–2014 جىلدارى قازاقستاندا كاپيتالدى جاريا ەتۋدىڭ ءۇش كەزەڭى وتكەن بولاتىن. ناتيجەسىندە بيۋدجەتكە 6،7 ترلن تەڭگە تۇسكەن.
