2026 جىلعى قىركۇيەكتە ايلىق ينفلياسيا تامىز ايىنداعى دەڭگەيدە ساقتالىپ، 0،6% قۇرادى.

اي ىشىندە كوكونىستەر مەن ازىق-تۇلىك ونىمدەرىنىڭ جەكەلەگەن تۇرلەرىنىڭ باعاسى تومەندەدى. اتاپ ايتقاندا، پيازدىڭ باعاسى 20،7%، ليمون – 13،9%، ءسابىز – 13،6%، كارتوپ – 13،4%، باكلاجان – 11،2%، قىرىققابات – 10،1%، ءتاتتى بۇرىش – 6،5%، الما – 5،3%، المۇرت – 2،4%، سارىمساق – 1،3%، بانان – 0،7% تومەندەدى. سونداي-اق بالالار تاعامىنا ارنالعان بوتقالاردىڭ باعاسى 6،1% جانە قۇمشەكەردىڭ باعاسى 1،3%، تومەندەدى.

ازىق-تۇلىككە جاتپايتىن تاۋارلاردىڭ ىشىندە قول كرەمىنىڭ باعاسى 6،9%، بالالار جايالىقتارى – 6،6%، تەلەديدار – 5،6%، ىدىس جۋاتىن ماشينالار مەن قىسقا تولقىندى پەشتەر – 1،8%، دۋشقا ارنالعان گەل – 1،4% تومەندەدى.

2026 جىلعى قىركۇيەكتە جىلدىق ماندەگى ينفلياسيا 9،3% قۇرادى (2026 جىلعى تامىزدا – 9،8%). ازىق-تۇلىككە جاتپايتىن تاۋارلاردىڭ باعاسى 11،0%، اقىلى قىزمەتتەر – 8،9%، ازىق-تۇلىك تاۋارلارى – 8،5% ءوستى.

2025 جىلعى قىركۇيەكپەن سالىستىرعاندا جەمىس-كوكونىس ونىمدەرىنىڭ جەكەلەگەن تۇرلەرىنىڭ باعاسىنىڭ تومەندەۋى جالعاستى. اتاپ ايتقاندا، المانىڭ باعاسى 11،1%، ليمون – 8،3%، قىزىلشا – 6،9%، قىرىققابات – 6،1%، بانان – 5،6%، ءتاتتى بۇرىش – 3،9% تومەندەدى.

ازىق-تۇلىككە جاتپايتىن تاۋارلاردىڭ ىشىندە 2025 جىلعى قىركۇيەكپەن سالىستىرعاندا اۆتوموبيلدەردىڭ باعاسى 11،3%، ەلەكتر جىلىتقىشتار – 9،1%، كونديسيونەرلەر – 8،7%، ەلەكتر ەتتارتقىشتار – 5،6%، بالالار كونسترۋكتورلارى – 2،6%، مەديسينالىق ماسكالار – 1،7% تومەندەدى.

ينفلياسيا دەڭگەيىن سيپاتتايتىن تۇتىنۋ باعالارى يندەكسىنىڭ كورسەتكىشى اي سايىن ەسەپتەلەدى. باقىلاۋ بارلىعى 537 پوزيسيا بويىنشا تاۋارلار مەن كورسەتىلەتىن قىزمەتتەردىڭ تاريفتەرى مەن باعالارىنا جۇرگىزىلەدى. ينفلياسيا بويىنشا ديناميكالىق وزگەرىستەردى 2018 جىلدان باستاپ كورسەتكىشتەر قامتىلعان ارنايى ازىرلەنگەن ينتەراكتيۆتى داشبوردتان كورۋگە بولادى.

انىقتاما ءۇشىن:
2026 جىلعى قاڭتاردان باستاپ تۇتىنۋ باعالارى يندەكسىن ەسەپتەۋ كەزىندە ازىق-تۇلىك تاۋارلارىنىڭ ۇلەسى 41،1%-دى، ازىق-تۇلىككە جاتپايتىن تاۋارلاردىڭ ۇلەسى 28،4%-دى، اقىلى قىزمەتتەردىڭ ۇلەسى 30،5%-دى قۇرايدى.