«شەكاراسىز تىلشىلەر» ازاتتىق تىلشىلەرىن اككرەديتتەۋدەن باس تارتقان قازاقستان بيلىگىنىڭ شەشىمىن ايىپتادى، دەپ جازادى ازاتتىق راديوسى.

"RSF جۋرناليستەردىڭ جۇمىسىن ىستەۋگە كەدەرگى كەلتىرەتىن مۇنداي ساياسي شەشىمدى ايىپتايدى جانە بيلىكتى ولاردىڭ اككرەديتاسياسىن دەرەۋ قالپىنا كەلتىرۋگە شاقىرادى" دەپ جازىلعان مالىمدەمەدە.

بۇعان دەيىن، استانا سوتى اككرەديتاسياعا بايلانىستى ءسىم-دى سوتقا بەرگەن ازاتتىقتىڭ ءوتىنىشىن ورىندامادى

شىققان شەشىم ازاتتىقتىڭ 7 تىلشىسىنە قاتىستى. الداعى ۋاقىتتا 9 ءتىلشىنىڭ اككرەديتاسياسىنا بايلانىستى سوت وتپەك. ازات ەۋروپا/ازاتتىق راديوسىنىڭ پرەزيدەنتى ستيۆەن كاپۋس استانا سوتىنىڭ شەشىمى قازاقستان كونستيتۋسياسىنا قايشى دەپ مالىمدەدى.

«وسى تۋرالى ازاتتىققا شىققان جاڭالىقتى بولىسە قويايىن دەسەم، سايتىمىزدىڭ ءتۇرى اناۋ — ون ساعات ويلانىپ اشىلادى. ونى دا تروتتلينگ ادىسىمەن بۇعاتتاپ جاتقانىنا كەلەر ايدا ءۇش جىل بولادى»، — دەيدى ازاتتىق ءجۋرناليسى.