بەستەرەكتە بولعان جول اپاتىنان زارداپ شەككەن ەكى بالانىڭ جاعدايىن دارىگەرلەر «قاناعاتتانارلىققا جاقىن» دەپ باعالاپ وتىر.  ولار بۇگىن اۋرۋحانادان شىعارىلادى. بۇل تۋرالى استانا قالاسىنىڭ دەنساۋلىق ساقتاۋ باسقارماسىنىڭ وكىلدەرى حابارلادى.

"ەكى بالاعا دا وتا ءساتتى جاسالدى. قازىرگى جاعدايلارى جاقسى، جاقىن كۇندەرى اۋرۋحانادان شىعارىلادى"، دەلىنگەن جاۋاپتا. 

ال اۋىر حالدە بولعاندىقتان استاناعا جەتكىزىلمەي، الدىمەن ءۇرجار اۋداندىق اۋرۋحاناسىندا باقىلاۋدا بولعان، كەيىن 23 تامىزدا ساناۆياسيامەن سەمەيگە جەتكىزىلگەن قىز بالانىڭ جاعدايى ءالى دە وتە اۋىر. ول كومادا جاتىر. دارىگەرلەر بارلىق قاجەتتى ەم شارالارىن جاساپ جاتقانىن اتاپ ءوتتى.

ەسكە سالا كەتسەك، 19 تامىز كۇنى بەستەرەك اۋىلىندا Toyota كولىگىنىڭ جۇرگىزۋشىسى جول جيەگىندە تۇرعان بالالاردى قاعىپ كەتكەن ەدى. وقيعا ءۇي قاقپاسىنىڭ الدىندا، جولدان نەبارى 10 مەتر جەردە بولعان.

سالدارىنان ەكى بالا وقيعا ورنىندا قازا تاپتى، تاعى ءبىرى اۋرۋحاناعا بارار جولدا كوز جۇمدى. تاعى ءۇش بالا ءتۇرلى جاراقاتتارمەن اۋرۋحاناعا جەتكىزىلدى. قايتىس بولعان بالالاردىڭ جاسى 2 مەن 7 جاس ارالىعىندا بولسا، جاراقات العانداردىڭ جاسى 6-دان 9 جاسقا دەيىنگى ارالىقتا.