بيىل ۇلتتىق جانە ءدىني ارازدىقتى قوزدىرۋ دەرەگى بويىنشا 11 ادام سوتتالدى، - دەپ حابارلايدى Qamshy.kz اقپاراتتىق اگەنتتىگى.
استانا پروكۋراتۋراسى مالىمەتىنشە، وسىنداي جاعدايدىڭ بىرىندە ەلوردا تۇرعىنى TikTok جەلىسىندە تىكەلەي ەفيردە ادەپسىز سوزدەردى قولدانىپ، باسقا ۇلتقا قاتىستى بۇرىس پىكىر بىلدىرگەن.
"11 ادامعا قاتىستى سوت اكتىلەرى زاڭدى كۇشىنە ەندى"، - دەپ جازىلعان حابارلامادا.
قالا پروكۋراتۋراسى الەۋمەتتىك، ۇلتتىق، رۋلىق، ناسىلدىك، تاپتىق نەمەسە ءدىني ارازدىقتى قوزدىرعانى ءۇشىن قىلمىستىق جاۋاپتىلىق قاراستىرىلعانىن، 20 جىلعا دەيىن باس بوستاندىعىنان ايىرۋ تۇرىندەگى جازا كوزدەلگەنىن ەسكە سالدى.
