پەتروپاۆل. قازاقپارات - سولتۇستىك قازاقستان وبلىسىنىڭ اكىمى ەرىك سۇلتانوۆ جۇمىس ساپارىمەن ءۋاليحانوۆ اۋدانىندا بولدى. بۇل تۋرالى ايماق باسشىسىنىڭ باسپا ءسوز قىزمەتىنەن حابارلايدى.

«ءۋاليحانوۆ اۋدانىندا ءوڭىر باسشىسى «سيەۆەرنايا نيۆا» ج ش س نان قابىلداۋ كاسىپورنىنىڭ قۇرىلىس بارىسىمەن تانىستى. مۇندا سىيىمدىلىعى 60 مىڭ توننالىق شاعىن ەليەۆاتوردى جىل سوڭىنان دەيىن تاپسىرۋدى جوسپارلاپ وتىر. پايدالانۋعا بەرۋ كەزەڭىندە كاسىپورىندا 40 ادام جۇمىسپەن قامتىلادى»، - دەلىنگەن حابارلامادا.

كوكتەرەك اۋىلدىق وكرۋگىندە ەرىك سۇلتانوۆ ەگىن جيناۋ ناۋقانىمەن تانىسىپ، «اگروفيرما «قىزىلتۋ-نان» ج ش س، «جولداسپاي-اگرو» شق جانە «يۋنايت-ينۆەست» ج ش س ەگىستىگىندە بولدى. ايماق باسشىسى ديقاندارعا كۇزگى ناۋقاندى تابىستى اياقتاۋىن تىلەدى.

سونداي-اق ەرىك سۇلتانوۆ ءۋاليحانوۆ اۋدانىنىڭ قايرات اۋىلىندا بولعان. اۋىل وبلىس ورتالىعىنان 500 شاقىرىم جەردە ورنالاسقان. مۇندا وبلىس اكىمى جەرگىلىكتى اكتيۆپەن كەزدەستى. وكرۋگ تۇرعىندارى وزدەرىنىڭ پروبلەمالارىمەن ءبولىسىپ، ايماق باسشىسىنا تىلەكتەرىن جەتكىزدى. اۋىلدا ۇيالى بايلانىس، عالامتور جوق. قايرات ورتا مەكتەبىنىڭ ۇجىمى ينتەراكتيۆتىك تاقتانىڭ جوق ەكەنىن ايتىپ وتىر. ەرىك سۇلتانوۆ اۋىل تۇرعىندارىن مۇقيات تىڭداپ ءوتىپ، ءاربىر ماسەلەنى شەشۋدىڭ مۇمكىندىكتەرىن  قاراستىرۋعا ۋادە ەتتى.

ەرىك سۇلتانوۆ كۇرە جولدى قالپىنا كەلتىرۋ جانە بەكىتۋ بويىنشا جۇمىستار، سۋ وتكىزۋشى قۇبىرلاردىڭ قۇرىلىسى جانە قايرات اۋىلدىق وكرۋگىنىڭ اۋداندىق ماڭىزى بار قۋلىكول-قاراتال اۆتوموبيل جولىنىڭ جەر توسەمىن سالۋ بارىسىمەن تانىسىپ ءوتتى. قازىرگى كەزدە مۇندا كوكتەمگى سۋ تاسقىنىنان كەيىن كۇردەلى جوندەۋ جۇمىستارى جۇرگىزىلۋدە.

ايماق باسشىسىنىڭ بارعان سوڭعى ورنى «جاقسى تۇز پەتروپاۆل» ج ش س بولدى. مۇندا گەولوگيالىق بارلاۋ بويىنشا جۇمىستار اياقتالىپ، تۇزدى ساپالى وندىرۋگە ارنالعان كومباين ساتىپ الىنعان.

دەرەككوز: قازاقپارات