Halyqqa esep bergen Qaraǵandy oblysynyń ákimi jıyn ústinde aǵylshyn tilinde sóılep, eldi tań qaldyrdy, - dep habarlaıdy «Qamshy» portaly Tengrinews.kz – ke silteme jasap.

Qaraǵandydaǵy kenshiler saraıynda ótken esep berý jıynyna óńirdegi kompanıalardyń ınvestorlary da shaqyrylǵan eken.

«Jańa kezeń, jańa mindetter» de pat qoıyp, aıdar taǵylǵan ákim esebin tyńdaýǵa kelgender óńir basshysynyń buryn belgisiz bolyp kelgen ónerine tánti bolǵan.

Oblys ákimi Nurmuhambet Ábdibekov turǵyndar arasynda aǵylshyn tilin meńgerýdiń tómen kórsetkishterine toqtalǵan.

«Halyqtyń bar bolǵany 4 paıyzy ǵana aǵylshyn tilin biledi. Bul óte az. Biraq, jaǵdaı jaqyn ýaqytta túzeledi dep senemin. Shet tilin bilý bizge ınvestısıa tartýǵa kómektesedi. Qazirgi tańda «Saryarqa» arnaıy ekonomıkalyq aımaǵyna osyndaı jolmen úsh jańa kompanıa shaqyrtyldy. Investısıanyń jalpy quny 21 mıllıard teńgeni quraıdy. Osy sátti paıdalana otyryp, bizben jumys istep jatqan jáne keleshekte birge jumys isteýi múmkin ınvestorlarǵa aǵylshyn tilinde til qatqym keledi», - degen ol baıandamasyn aǵylshynsha jalǵaǵan.

Buǵan deıin N. Ábdibekovtiń taǵy bir áriptesi, Almaty qalasynyń burynǵy ákimi Ahmetjan Esimov aǵylshynsha sóılep, jurtshylyqtyń nazaryn aýdartqan edi.