Reseılik 66.ru portaly Ekaterenbýrg túrmeleriniń birindegi sottalǵandardy qorlaý sáti túsirilgen vıdeo jarıalady, - dep habarlaıdy «Qamshy» portaly.

Vıdeodaǵy oqıǵa IK-2 dep atalatyn túzeý mekemesinde bolǵan. Portal atalǵan túzeý mekemesiniń ákimshiligi sottalǵandardy azaptaý men qorlaýdyń qalyptasqan júıesin ornatqan dep jazady.

Atap aıtqanda, túzeý mekemesine jańadan kelgen sottalǵandar «karantın jasaǵy» dep atalatyn jasaqtyń synynan ótedi. Kolonıa ákimshiligine jumys isteıtin sottalǵandar olarǵa mekemeniń «tártibin» túsindiretin kórinedi. Oǵan baǵynǵysy kelmegender soqqyǵa jyǵylyp, vıdeodaǵydaı qorlyqqa ushyraıdy.

Quqyqqorǵaýshylar osy ýaqytqa deıin kolonıadaǵy zańsyz júıeni áshkereleıtin dálel bolmaı kelgenin, sottalýshylar bostandyqqa shyqqannan soń da kolonıa ákimshiliginiń zańsyz áreketteri týraly shaǵymdanýǵa seskenetinin aıtqan.

«IK-2 túzeý mekemesinde qorqynyshty jaǵdaılar kóp. Ondaǵy jatqandark olonıa qyzmetkerleriniń túrli «rásimderi» men «mehanızmderinen» ótedi. Ol áreketterdi tek qylmys dep qana baǵalaý kerek. Túrme belsendileri ol áreketterin keıin sottalǵandarǵa shantaj jasaý úshin arnaıy vıdeoǵa túsiredi», - deıdi Sverdlov oblysy qoǵamdyq baqylaý keńesiniń múshesi Dmıtrıı Rojın.

Al, zona.media saıty osy vıdeodaǵy oqıǵa boıynsha RF prokýratýrasynyń tergeý komıteti qylmystyq is qozǵaǵanyn jazdy.