Ońtústik Qazaqstan oblysy İshki ister departamenti Ordabasy aýdanynda urlanǵan balaǵa qatysty taǵy bir kúdiktini izdestirýde, - dep habarlaıdy «Qamshy» portaly.

Jedel-izdestirý sharalarynyń nátıjesinde Ordabasy aýdany Amangeldi aýylynda joǵalǵan balany 5-55 shamasyndaǵy áıeldiń mekteptiń aldynan alyp ketkeni belgili bolǵan edi. Polısıa bala urlyǵyna qatysty einshi áıeldiń bolǵanyn anyqtap otyr. Buǵan deıin balany mektepten alyp ketken áıeldiń fotoroboty jasalǵan bolatyn.

Atap aıtqanda, polıseıler 1965 jyly týǵan Ordabasy aýdanynyń týmasy, turaqty meken-jaıy belgisiz kelinshekke izdeý salýda. İshki ister organdary urlanǵan bala men onyń ata-anasy balany urlaǵandardyń birimen tanystyǵyn aıtady.

«Qazirgi tańda biz urlanǵan balany qolynan jetektep ketken áıelden kúdiktenýdemiz. Sonymen qatar, 1965 jyly týǵan, OQO Ordabasy aýdanynyń turǵyny Sándigúl Súıindik degen kelinshek te kúdikke ilindi. Ol burynyraq urlanǵan balanyń ata-anasymen sóılesken jáne óziniń balasy bolmaǵan eken. İzdeý-tergeý jumystary jalǵasýda», - deıdi OQO İİD krımınaldyq polısıa basqarmasynyń bastyǵy Kenjebek Ońdasynov.

Esterińizge salsaq, 20 aqpan kúni OQO Ordabasy aýdany Amangeldi aýlynda 6 jastaǵy Muhamed Qamshybekti belgisiz áıel mektepten shyqqanda ózimen ertip ketken bolatyn.