Almaty qalasy Ortalyq kitaphana júıesiniń №4 kitaphanasynda qalyń oqyrmanǵa esimi máshhúr kórnekti qalamger, Halyqaralyq «Alash» syılyǵynyń ıegeri, Qazaqstan Jazýshylar Odaǵynyń múshesi Beksultan Nurjekeulynyń 75 jyldyq mereıli mereıtoıyna arnalǵan «Kórkemsóz patshalyǵynyń has sheberi» atty ádebı-sazdy kitaphanalyq benefıs ótti, - dep habarlaıdy «Qamshy» portaly.

Mádenı sharaǵa jazýshynyń qalamger áriptesteri, qazaq ádebıetiniń kórnekti tulǵalary:jazýshy, jýrnalıs, Qazaqstan Jazýshylar, Jýrnalıser Odaǵynyń múshesi, Halyqaralyq «Alash» syılyǵynyń laýreaty, Qazaqstannyń eńbek sińirgen qaıratkeri – Kádirbek Segizbaev,aqyn, aýdarmashy, kósemsózshi, Qazaqstan Jazýshylar Odaǵynyń múshesi – Qýanyshbaı Qurmanǵalıqatysyp, mereıtoı ıesiniń ónegeli ómir joly men shyǵarmashylyǵy jaıly oı bólisti. Sonymen qatar, joǵary oqý ornynyń stýdentteri men kitaphananyń oqyrmandary qatysty.

Ekrannan arnaıy daıyndalǵan «Máńgilik mahabbat jyrshysy» atty slaıd-prezentasıa, beınebaıandar kórsetilip turdy. «Syrly sezim sýretkeri» atty kitap jaımasy uıymdastyrylyp, kitaphana qyzmetkerleri kórmege sholý jasap ótti.

Jan tebirenter syrbaz, sulý áıelder obrazdar galereıasyn jasap, sharpysqan qushtarlyq, qasiretti qımastyq arqyly ómirdiń qýanyshy men taǵdyrlar tragedıasyn barynsha shynshyldyqpen bederlep júrgen súıikti jazýshymyzdy qazirgi tańda qalyń oqyrmany «Qazaqtyń Mopassany», «Mahabbat jyrshysy», «Syrly sezim sýretkeri», «Áıel janynyń zergeri» dep atap ketti. «Kútýmen ótken ǵumyr», «Erli-zaıyptylar», «Jaý jaǵadan alǵanda», «Bir ókinish, bir úmit», «Kináli mahabbat», «Ózender órnektegen ólke» jáne t.b. kórkemdik kóriginen shyńdalyp shyqqan shymyr da shuraıly shyǵarmalary oqyrmandarynyń zor súıispenshiligine ıe bolyp, ádebıetimizdiń altyn qoryna qosylǵan qundy mura bolyp tabylady.

Kitaphanalyq benefısti mereıtoı ıesiBeksultan Nurjekeulyózi ashyp, oqyrmandar aldynda óziniń ómir belesteri men shyǵarmashylyqqa kelý joly jaıly syr shertti. «Meniń búgingi baǵyndyrǵan belesim – ol kóp oqyp, bilgenimniń arqasy. Barlyq izgiliktiń bastaýy – ol bilim. Sondyqtan da jastar, ýaqyttaryńdy bos ermekpen ótkizbeńder. Kitap oqyńdar» - dep, jastarǵa aǵalyq aqylyn aıtyp, jol kórsetti. Ómirlik jan dosyQýanyshbaı Qurmanǵalı: «Beksultannyń qalam terbep júrgen taqyryby tek mahabbat, sezimmen ǵana shektelmeıdi. Ol tarıhı romandar da jazyp, Shyńǵys hannyń ómirin zerttep júr. Sondaı-aq, aýdarma salasyna da ózindik úlesin qosyp júrgen qalamger» - dep, jazýshynyń san qıly talant ıesi ekendigine kózimizdi jetkizip ketti.

Qalamgerdiń zamandasy Qýanyshbaı Qurmanǵalıóz ónerin ózgelerge moıyndata bilgen qarymdy qalamgerdiń shyǵarmalarynyń mazmunyna tereń toqtalyp, saralap ótti. Kitaphananyń turaqty oqyrmany Teleýǵalı Taıman Beksultan inisine degen óziniń aǵalyq lebizin bildirip ketti.

«Áıel jaryqtyq – fánı dúnıeniń jalǵyz jumaǵy. Ondaı táttini tatý az, oǵan tabyný kerek» - dep aǵynan jarylǵan syrly sezim sýretkerine kitaphana oqyrmandary ózderin qyzyqtyryp, tolǵandyryp júrgen kókeılerindegi suraqtaryn qoıyp, jazýshynyń shyǵarmashylyǵy týraly qundy  málimetter  aldy.

         Oqyrmandardyń utymdy saýaldaryna kesh qonaqtarynyń tarapynan utqyr jaýaptar berilip otyrdy. 

 Muqaǵalı Maqataev atyndaǵy №140 mektep-gımnazıasynyń oqýshylary: Nurahmet Medına, Azamatqyzy Aıdaı, Shın Ámına, Jaıyrova Nurıla, Bekuly Úpilmálik penjoǵary oqý ornynyń stýdentteri: Saılaý Symbat, Qarabekov Aslanbek, İlıas Aıdyn, Argımbekov BaktıarBeksultan aǵanyń shyǵarmashylyǵy boıynsha «Sıqyrly sezimder sımfonıasy» atty ádebı-sazdy kompozısıasyn usynyp, kórermenderdiń ystyq yqylasyna bólendi.

Almaty Ýnıversıtetiniń 3 kýrs stýdenti Tarybaı Botakóz jazýshyǵa osy mádenı shara aıasynda shyǵarǵan óziniń arnaýyn oqyp, jyrdan shashý shashty.

Sondaı-aq, Chaıkovskıı atyndaǵy mýzykalyq kolejdiń, Almaty Ýnıversıtetiniń, Almaty Polıgrafılyq kolejinińánmen sýsyndap ósken daryndy ónerpazdary: Qadyrbaı Nurdáýlet, Kýtkýjına Tolqyn, Nasyr Ersin, Qasteı Aıdos mereıtoı ıesiniń qurmetine lırıkalyq ásem ánder oryndap, kesh mereıin ústem etti.

Ádebı-sazdy benefıs keshtiń sońynda kitaphana ujymy qadirli qonaqtarǵa estelik syılyqtar berip, jyly lebizderinbildirdi.Oqyrmandar da súıikti jazýshylarynan qoltańba alyp, estelik sýretke túsip jatty.

Adam balasyna ǵana tán eń sulý, eń sıqyrly da syrly sezimderdi óziniń shyǵarmashylyǵyna arqaý etken jazýshynyń oqyrmany eshqashan azaıǵan emes.Ádebıettiń birneshe janrynda kósile qalam terbep júrgen bolmysy bólek, asa talantty jazýshymyz oqyrmandaryn áli de tyń týyndylarymen qýanta bersin degen nıet bar barshamyzda.

Aıgerim Hametova, A

lmaty qalasy №4 kitaphana-bólimshesiniń kitaphanashysy