Qazaqstan prezıdenti Nursultan Nazarbaev Reseıge saparynyń qarsańynda, 10 naýryzda Reseı prezıdenti Vladımır Pýtınmen telefon arqyly sóılesti.
Prezıdenttiń resmı saıtynyń habarlaýynsha, Nazarbaev "Qazaqstannyń strategıalyq seriktes retinde Ýkraınadaǵy az ulttar quqyǵyn, sondaı-aq óziniń qaýipsizdiginiń múddesin qorǵaıtyn Reseıdiń ustanymyna túsinistikpen qaraıtynyn" atap ótken.
Qazaqstan prezıdenti "múddeli qatysýshylar baıyptylyq tanytatynyna jáne kelissózder jolymen jaǵdaıdy tezdetip qalpyna keltirý sharalaryn qabyldaıtynyna úmittenetinin" bildirgen.
Buǵan deıin Reseı prezıdentiniń baspasóz qyzmeti 11 naýryzda Nazarbaev Máskeýde "halyqaralyq mańyzdy máselelerdi" talqylaý úshin Pýtınmen kelissózder ótkizedi dep habarlaǵan edi.
Ótken aptada Nursultan Nazarbaev, Vladımır Pýtın jáne Belarýs prezıdenti Aleksendr Lýkashenko Máskeýde Keden Odaǵyna qatysty máselelerdi talqylaǵan.
"Azattyq radıosy"
