Ońtústik Qazaqstan oblysynda taǵy da shý shyqty, - dep habarlaıdy «Qamshy» portaly.

Bul joly oblystyq klınıkalyq aýrýhananyń bas dárigeri Muqan Egizbaev naýqastardyń týystarymen sózge kelip, óz oıyn jetkizý úshin bylapyt sózderge júgingen. Qyzyq bolǵanda bas dárigerdiń aýzynan aq ıt kirip, kók ıt shyǵyp otyrǵan sáti vıdeoǵa túsirilip, áleýmettik jeliler arqyly tarap ketken.

Ázirge youtube jelisinde eki vıdeo jarıalandy. Onda bas dáriger aýrýhanada jatqan naýqastardyń týystarymen sóılesip otyrǵany, áńgime barysynda ashýǵa berilip, ótinish jasap kelgen áıelderdi boqtaǵany túsirilgen.

Jansaqtaý bóliminde jatqan naýqastyń týystary dárigerden naýqastyń jaǵdaıyn surap, barynsha kómektesýin suraıdy.

Oǵan dáriger: «Qolda bar kómekti jasap jatyrmyz. Ázirge jaǵdaı aýyr», - dep jaýap beredi. Oǵan qanaǵattanbaǵan naýqastyń týystary: «Osyndaı aýyr halge túsirgen adamdar taltańdap júre bere me?» dep dúrse qoıa beredi. Bul sóz bas dárigerdiń shamyna tıip ketip, ol aıqaıǵa basady.

Eskertý: VIDEODA BYLAPYT SÓZDER AITYLADY!

Birqatar aqparat quraldary máslıhat depýtattyǵyna kandıdat bolyp saılaýǵa túsip jatqanynyn jazýda.

Oblystyq densaýlyqsaqtaý basqarmasy ázirge M. Egizbaevtyń bul áreketi týraly resmı aqparat taratqan joq.