Sot tutynýshylardyń quqyqtaryn buzýǵa ákelgen basymdyq jaǵdaıdy teris paıdalanǵan Kcell kompanıasyna 16 054 mln. teńge mólsherindegi aıyppul salý jónindegi Básekelestikti qorǵaý agenttiginiń talabyn qoldady.
«Ksell» aksıonerlik qoǵamy (budan bylaı - Kompanıa nemese Ksell) (LSE, KASE: KCEL), Kompanıaǵa qarsy sot isinde 1-shi satydaǵy sottyń Qazaqstan Respýblıkasynyń Básekelestikti qorǵaý agenttiginiń (budan bylaı - BQA) paıdasyna sheshim shyǵarǵandyǵyn habarlaıdy. İs Activ brendisimen kórsetiletin «Kúndizgi lımıtsiz» tarıftik jospary boıynsha esepteý mehanızmine jáne Kcell brendisinde abonent teńgeriminiń 0-ge jetkeninde qyzmet kórsetýdi toqtatpaýyna qatysty monopolıaǵa qarsy zańnama bóligindegi múmkin bolatyn buzýshylyqqa qatysty. BQA Kompanıa tutynýshylarynyń quqyqtaryn buzýǵa ákelgen basymdyq jaǵdaıdy teris paıdalanǵan dep aıyp taqty. Sot Qazaqstan Respýblıkasynyń Ákimshilik quqyq buzýshylyqtar týraly kodeksiniń 147 babynyń 3 bóligine sáıkes 16 054 mln. teńge mólsherindegi aıyppuldy qoldady», - dep jazady kompanıanyń baspasóz qyzmeti.
Sheshim 2014 jyldyń 7 naýryzynda jarıalanǵan. Sot sheshimi áli zańdy kúshine enbedi. Kompanıa Ákimshilik quqyq buzýshylyqtar týraly kodekstegi sońǵy ózgeristerdi esepke ala otyryp, aıyppuldyń (ol qoldanylǵan jaǵdaıda) sottyń qazir qoldanǵanyndaı, tutastaı daýystyq qyzmetterden túsetin tabystyń 10%-y emes, buzýshylyq aımaǵynan alynǵan tabystyń 10%-y kóleminde bolýy tıis ekendigine senimdi.
Kompanıa aıyppen jáne sot sheshimimen kelispeıtindikten sheshimdi daýlamaq jáne óz pozısıasyn qorǵamaq."QazAqparat"
