Qazaqstandyqtar Naýryz merekesine oraı bes kún demalatyn boldy, - dep habarlaıdy «Qamshy» portaly Egov.kz portalyndaǵy demalys kúntizbesine silteme jasap.

Senbi, jeksenbige keletin 19,20 naýryz kúngi demalystar 21,22,23 naýryzdaǵy merekelik demalysqa ulasady. Sóıtip, aldaǵy jumys aptasy beısenbi kúni bastalady.

Merekege oraı Almaty qalasynda Táýelsizdiktiń 25 jyldyǵy jáne Almaty qalasynyń 100 jyldyǵy aıasynda jappaı merekelik sharalar ótedi.

Astanada da Naýryz meıramyna oraı 70 shaqty merekelik is-sharalar uıymdastyrylady. 21 naýryz kúni «Saryarqa» velotreginde, «Astana Arena» stadıonynda, «Qazaq Eli», «Báıterek» monýmentteriniń mańynda jáne qala alańdary men saıabaqtarynda jalpy halyqtyq sharalar ótedi dep kútilýde.