Kúni keshe  Qytaı  basshysy Shı Jınpıńniń Ýkraına  máselesine  qatysty  beıtarap pozısıany  ustanatynyn  saıtymyzda  jazǵan bolatynbyz.  Alaıda, araǵa  kún  salyp Qytaı men Reseıdiń Ýkraınadaǵy oqıǵalarǵa qatysty máselelerdegi pozısıalary birdeı bolyp shyqty. Who.trades saıtynyń habarlaýynsha, bul Reseı jáne Qytaı Syrtqy ister mınıstrleri Sergeı Lavrov pen Van I arasynda telefon arqyly bolǵan áńgime barysynda belgili bolǵan.

«Reseı men Qytaıdyń bul el men onyń tóńiregindegi oqıǵalardan qalyptasqan jaǵdaılardyń keń aýqymyndaǵy kózqarastary bir-birimen úndes keletini atap ótildi», – dep dáıekteme keltirdi «Gazeta.Ru». Sonymen birge, Lavrov pen onyń qytaılyq áriptesi aldaǵy ýaqytta da ýkraın máselesi jóninde tyǵyz qarym-qatynasta bolatyndaryn málimdegen.

Batys elderinen artyqshylyǵy, Qytaı bul máselede Reseıdi qoldaıtynyn bildirgen. Batys elderi Reseıdi úrkitýge tyrysatyndaryn anyq baıqatyp otyr. AQSH prezıdenti Barak Obama Ýkraınanyń isterine áskerı aralasýshylyq jasar bolsa, halyqaralyq talqyǵa túsip, tıisti «shyǵynǵa» ushyraıtynyn aıtty. Al «Úlken segizdiktiń» Kanada, Fransıa, Germanıa, Italıa, Japonıa,  Ulybrıtanıa jáne AQSH sıaqty músheleri Sochıde ótetin G8 samıtine daıyndalýdan bas tartatyndaryn baıandaǵan birlesken málimdeme qabyldady.

Maqsat Islam