Astana áýejaıyna aldyńǵy dóńgeleksiz ushaq qondyrǵan ushqyshtyń erligi kórkem sýretke arqaý boldy, - dep habarlaıdy «Qamshy» portaly.

Semeıdegi áskerı orkestrlerdiń birinde klarnetıst bolyp qyzmet etetin Muhtar Saparov bos ýaqytyn qylqalammen ótkizedi. Muhtar salatyn kórkemsýretterine qoǵamda bolyp jatatyn eleýli oqıǵalar men ózekti taqyryptardy negiz etedi. Buǵan deıin ol baǵanyń qymbattaýy, jylý júıesindegi olqylyqtar syndy máselelerge qalam terbegen eken.

Keıde Muhtar aqparat quraldarynan oqyǵan jańalyqtaryn da kórkem sýret etip, qaǵazǵa túsirip jatady. Keshe Astana áýejaıyna apatty jaǵdaıda qonǵan ushaq ta áýesqoı sýretshini beıjaı qaldyrmaǵan. Muhtar dóńgeleginde aqaýy bar ushaqty áýejaıǵa din aman qondyrǵan ushqyshtardyń sheber áreketin erlikke baǵalaǵan. Sóıtip, aldyńǵy dóńgeleksiz áýejaıǵa qonǵan ushaq sýretin túrli-tústi qaryndash, flomaster jáne qalam kómegimen kórkem sýretke aınaldyrǵan.