Astanada «Nur Otan» partıasynyń jeńisine arnaǵan forýmda Elbasynyń artynda turyp, tilin shyǵarǵan qyzdan bas partıa basshylyǵy túsinikteme almaqshy, - dep jazady «Qamshy» portaly nur.kz – ke silteme jasap.

Nursultan Nazarbaevtyń sóz sóıleýi kezinde tilin shyǵaryp, tanymal bolǵan astanalyq stýdent Inna Malseva óziniń Instagram mparaqshasynda túsinikteme berýi úshin "Nur Otanǵa" shaqyrtylǵanyn málimdedi. Buǵan deıin ol oǵash áreketine túsinikteme beretin jazba jarıalaǵan bolatyn.

"Men týraly jaman oılap qalǵandardyń bári meni sókpeı, túsinistikpen qaraıdy dep úmittenemin. Sebebi, negizinen men ondaı oǵash áreketter jasaıtyn adam emespin. Men qashan da is-sharalarda ózimdi jaqsy ustaı bilemin jáne ár adam balasyn ultyna bola alalamaı, syılastyqpen qaraımyn. "Eshkimdi sókpe, óziń de sógiske ushyramaısyń" degen qaǵıdamen ómir súremin. Men úshin bul jaǵdaı jáne maǵan degen burys kózqaras óte jaǵymsyz... Taǵy da keshirim suraımyn. Adamı turǵydan túsinistikpen qaraısyzdar degen úmittemin", - dep jazǵan boıjetken.

Buǵan deıin habarlaǵanymyzdaı, stýdent qyz Nursultan Nazarbaevtyń sóz sóıleýi kezinde tilin shyǵarǵan bolatyn.