Ultaralyq arazdyq týǵyzdy dep aıyptalǵan qoǵam belsendileri Ermek Narymbaev pen Serikjan Mámbetálınge qatysty búgin aqyrǵy sot sheshimi shyqty, - dep habarlaıdy «Qamshy» portaly.

Buǵan deıin Almaly aýdandyq soty Ermek Narymbaevqa úsh jyl, Serikjan Mámbetálınge eki jyl bas bostandyǵyn aıyrý jazasyn kesken bolatyn.

İsti qaraǵan qalalyq sot aıyptalýshylarǵa kesilgen jazany jumsartyp, bas bostandyǵynan aıyrýmen baılanysty emes jaza taǵaıyndady. Sot úkimimen E. Narymbaevqa úsh jyl, S.Mámbetálınge bir jyl bas bostandyǵyn shekteý jazasy belgilendi. Tergeý kezinde qamaýda bolǵan ýaqyttaryn eskerip, sot Ermektiń 2 jyl 7 kún, Serikjannyń 8 aı 12 kún bas bostandyǵy shekteletinin habarlady.

Esterińizge salsaq, Ermek Narymbaev pen Serikjan Mámbetálın Feısbýk áleýmettik jelisinde Murat Telibekov degen azamattyń kitabynan úzindi jarıalap, ultaralyq alaýyzdyq týǵyzdy dep aıyptalǵan bolatyn.