«Samuryq-Qazyna» qory kompanıalar tobynyń syrtqy qaryzy 10 mıllıard dollardan asyp ketken, - dep habarlaıdy «Qamshy» portaly.

Eldiń bar baılyǵyn basyp otyrǵan alyp qordyń qaryzy týraly onyń basqarýshy dırektory Elena Bahmýtova búgin «Korporatıvtik basqarý: Qazaqstannyń ınvestısıalyq tartymdylyǵyna jańa kózqarastar» atty ulttyq forýmynda málimdedi.

«2016 jyldyń basynda «Samuryq-Qazyna» qory kompanıalar tobynyń ataýly syrtqy qaryzy 10,7 mlrd. dollardy qurady. Al resmı sandardy sizder «QazMunaıgazdyń» shoǵyrlandyrylǵan qarjy esebi jarıa etilgeninen keıin kóre alasyzdar», - deıdi ol.

Onyń atap ótýinshe, búgingi kúni  mundaı kólemdegi qaryz qazirgi ýaqyttaǵy baǵany eskerer bolsaq,  qolaıly bolyp otyr.  Sonymen qatar ol qaryz júktemesiniń deńgeıi ótken jylmen salystyrǵanda birshama tómendegenin de eske salyp ótti.

«Qaryz kólemi top qyzmetine qandaı da bir qaýip tóndirmeıdi. Mindettemelerge qyzmet kórsetý qalypty kólemde júrgizilýde. Bul kompanıa úshin aıtarlyqtaı qaýip tóndirmeıdi. Bizde ınvestısıalyq qyzmet deńgeıi jáne soǵan sáıkes ınvestısıalyq jobalardy júzege asyrý barynsha joǵary», - deıdi E.Bahmýtova.