Qazaq kelinderine keńes berip, ulttyq qundylyqtardy jas kelinder arasynda dáripteý maqsatynda Nazarbaev ýnıversıtetiniń stýdenti Dıdar Pernebaeva iske qosqan «Kelin» áleýmettik jelisi qazaqy tanymǵa jat qundylyqtar nasıhattalatyn ortaǵa aınalyp barady, - dep habarlaıdy «Qamshy» portaly.

Qosymshada negizinen saýalnamalar, as resepteri, sózdik pen qupıalar syndy tórt qyzmet túri qoldanylady. Jeliniń osy «qupıa» bóliminde jas kelinder oılaryn ortaǵa salyp, ár túrli taqyryptarda anonım suhbat qura alady, bir-birinen aqyl-keńes suraıdy.

Qyzyq ta osy jerde bastalady. Bireýler enelerinen kórgen «qorlyǵyn» aıtyp shertókse, jelige tirkelgen orys tildi qyz-kelinshekterdiń birazy tósek pen jynys músheleri tóńireginde ájeptáýir suhbat quryp tastaǵan. Tipti, kúıeýiniń kózine shóp salý, bóten erkekpen jasyryn qarym-qatynasta bolý qupıalary da ortaǵa salynǵan.

Budan basqa da ulttyq tanymymyzǵa jat dúnıelerden kóz súrinedi.