«Tyń» degen sózdiń ózi aǵa býyn ókilderiniń jadynda eńbek batyrlyǵy, jigerlik, patrıottyq jáne joǵarǵy azamattylyq degen uǵymdarmen sıpattalady. Qazaqstan jerine keńes odaǵynyń ár buryshynan kelgen júzdegen tyń ıgerýshiler adam tózbeıtin jumystar jasady: Qazaqstanda qysqa ýaqyt aralyǵynda úlken nan ónimi óndirildi, júzdegen jańa sovhozdar salyndy. Olar bul eńbek synaǵyn abyroımen atqara aldy.
Osyǵan oraı, erteń Astanadaǵy QR Ulttyq akademıalyq kitaphanasynda QR Prezıdentiniń muraǵaty, QR Mádenıet jáne aqparat mınıstrligi jáne QR Ulttyq akademıalyq kitaphanasynyń birlese daıyndaǵan «Tyńǵa 60 jyl» atty qujatty-kitaptyq kórmesiniń tusaýkeseri ótedi, dep habarlaıdy BAQ.KZ tilshisi.
Búgingi tańda sol erlik ýaqyttar tarıhqa ulasýda. Bul jaıly endi tek qana muraǵattardan jáne qatary azaıyp bara jatqan alǵashqy tyń ıgerýshilerdiń estelikterinen ǵana bile alamyz. Qazaqstandaǵy tyń jáne tyńaıǵan jerlerdi ıgerýdiń negizgi kezeńderi QR Prezıdentiniń muraǵatynda saqtalýdaǵy qyzyqty qujattar men materıaldar kórmede kórsetiledi. Kóptegen qujattar alǵashqy ret kórmede oryn alady. Sonymen qatar, QR Ulttyq akademıalyq kitaphanasy qoryndaǵy osy taqyrypqa qatysty kitaptar, jýrnaldar, gazetter kópshilikke usynylady. Kórme 6 bólimnen turady, tyń jáne tyńaıǵan jerlerdi ıgerýdiń bastaýyna negiz bolǵan oqıǵalardan alynǵan materıaldar (KOKP OK-niń pleným materıaldary, «Memlekettegi astyq óndirisin odan ári arttyrý men tyń jáne tyńaıǵan jerlerdi ıgerý týraly» KOKP OK-niń jáne Qazaqstan Kompartıasynyń OK-niń (1954 j.) qaýlylary; Qazaqstannyń tyń ıgerý epopeıasynyń alǵashqy tolyq taldaýy, KSRO odaqtyq respýblıkalaryndaǵy azamattarynyń: tyń ıgerýge jiberilýi týraly, qonys aýdarýshylyrdyń turmystyq jaǵdaılary týraly, alǵashqy tyń ıgerýshilerdiń aldynda kezdesken qıyndyqtary týraly (fotosýretteri) aryzdary, Qazaqstannyń alǵashqy mıllıard put astyǵy (1956 j.), jastardyń búkilhalyqtyq iske jumylýy,tyń ıgerý ólkesine birinshi basshylardyń, jazýshylardyń,qoǵam jáne mádenıet qaıratkerlerinińkelýi, tyń ıgerýshilerdiń turmys máseleleri, kezdesken qıynshylyqtary týraly qujattar men materıaldar berilgen. Tyń týraly qujattar tek qana «batyrlyqty», joǵary ónim týraly partıa komıtetteriniń qýanarlyqtaı esepteri emes. Bul tyń aımaqtarynyń ekologıalyq apattylyqtyń shegine jetýi, landshafty dalanyń joıylýy, eginjaıdyń lastanýy, topyraqtyń jel erozıasyna shaldyǵyýy, agrotehnıkanyń saqtalmaýy, tyń dáýirnamasyn uıymdastyrýdaǵy salmaqty qatelikter men jańylys esepteýlerdiń jiberilgeniniń kýási. Tusaýkeser rásimine QR Prezıdent ákimshiligi qyzmetkerleri, Parlament depýtattary, mınıstrlik jáne vedomstvo ókilderi, respýblıkamyzdyń belgili qoǵam jáne memleket qaıratkerleri, eńbek jáne soǵys ardagerleri, alǵashqy tyń ıgerýshiler, ǵalymdar, tarıhshylar, muraǵat, mýzeı jáne kitaphana qyzmetiniń basshylary, mektep oqýshylary qatysady.
Nurserik JOLBARYS
