Qazaqstandyq fıtnes ókili Danıa Tileýimbetovanyń Caravan.kz – ke bergen suhbaty qyzý talqylanýda, - dep habarlaıdy «Qamshy» portaly.

9 sáýir kúni Almatyda IFBB federasıasynyń Kýbogyna baıqaý ótip, fıtnes juldyzy 163 sm-ge deıingi fıtnes bıkını saıysynda jeńimpaz atanǵan.

Basylymǵa suhbat bergen fıtnesshi jeke ómirine qatysty da birqatar jáıtterdi jaıyp salǵan.

«Qazir jasym jıyrma altyda. Áli kúnge otbasy qurmadym, balalarym joq. Ol – meniń armanym!» dep muńyn shaqqan Danıa Tileýimbetova sport pen tósektiń baılanysynan da biraz habardar ekendigin ańǵartqan.

«Sport pen jynystyq ómirdiń úılesimdiligi týraly ne aıtasyz?» degen suraqqa bıkesh: «Tolyqtaı úılesedi. Oǵan tyıym salynbaǵan. Kúshiń qalmaı qalatyn sátter bolady, biraq, ol basqa másele. Áıtpese, barlyǵy kerisinshe. Meniń aıtarym – sportshy qyzdar basqalarǵa qaraǵanda sezimtal jáne tózimdirek keledi. Jigitter de solaı. Kóp adamdar sportshylarda barlyǵy durys emes dep sanaıty. Shyndyǵynda, denede de, jynystyq máselede de barlyǵy durys», - dep jaýap qatqan.

Sondaı-aq, sportshy bolashaqta otbasyn quryp, balaly bolǵysy keletinin, alaıda, sportty tastaý oıy joq ekenin de aıtqan.