Búginnen bastap «El arna» telearnasy óz jumysyn toqtatady. Bul týraly «Habar» agenttigi habarlady.

«Habar» Agenttigi» AQ 2014 jyldyń 18 naýryzynan bastap, Qazaqstannyń 98,8% aýmaǵynda «24KZ» jańalyqtar telearnasy taralatynyn habarlaıdy. «24KZ» Qazaqstan aýmaǵynda «El arna» telearnasynyń negizinde balamalyq jıilikte óz jumysyn jandandyrdy. Demek, el turǵyndary jańalyqtar arnasyn televızıalyq kádimgi antena arqyly kóre alady», - delingen habarlamada. «24KZ» - elimizdegi táýlik boıy aqparat taratatyn tuńǵysh telearna. 2012 jyldyń 1 qyrkúıeginen bastap arna kórermenge jol tartty. Alǵashqy sátte telearna sandyq jáne jerseriktik Otau TV ulttyq jelisiniń abonentterine, kabeldik televızıa operatorlaryna qoljetimdi boldy. Búginde «24KZ» - Qazaqstandaǵy jedel aqparat beretin telearna. Táýlik boıy efırge «Jańalyqtar» toptamasyn 48 jáne aqparattyq-tanymdyq baǵdarlamasynyń 50 shyǵarylymyn usynady. Telearna Reuters, APTN jáne Euronews sekildi álemge tanymal kompanıalarmen áriptestik ornatqan. Medıa resýrs respýblıka boıynsha tilshiler qosynymen qamtylǵan.