Reseı Qytaıdyń Shyńjań Uıǵyr avtonomıaly ólkesine Qazaqstan aýmaǵy arqyly sý aıdamaq, - dep habarlaıdy Qamshy.kz lenta.ru-ǵa silteme jasap.
Reseı aýylsharýashylyq mınıstri Aleksandr Tkachev Qytaıdyń Shyńjań ólkesine tushshy sý aıdaýǵa ázir ekendikterin málimdedi. Bul sharýa eki tarap kelisse, Qazaqstan aýmaǵy arqyly júzege aspaq eken.
«Biz Reseıdiń Altaı aımaǵynan Qytaıdyń qurǵaqshylyqqa ushyrap otyrǵan Shyńjań Uıǵyr avtonomıasyna Qazaqstan Respýblıkasy arqyly sý aıdaý týraly jobany júzege asyrýǵa ázirmiz. Jaqyn kúnderi osy máselege oraı Qazaqstan tarapymen keńesemiz», - deıdi A. Tkachev.
Reseılik mınıstr eki eldiń sarapshylaryna osy máselege oraı ózara keńesip, naqty materıaldar almasýǵa keńes beredi.
RF Aýylsharýashylyq mınıstrligi melıorasıa departamenti Altaı aımaǵynyń sý resýrstaryn tıimdi paıdalaný maqsatynda Qytaıǵa 70 mıllıon tekshe metr sý aıdaýdy usynyp otyr.
