2016 jylǵy 3 mamyrda Qazaqstan Respýblıkasy Úkimetiniń qaýlysymen Ǵanı Qalybaıuly Sádibekov Qazaqstan Respýblıkasynyń Energetıka vıse-mınıstri bolyp taǵaıyndaldy, - dep habarlaıdy Qamshy.kz Bag.kz saıtyna silteme jasap.
Ǵanı Sádibekov Qazaq memlekettik basqarý akademıasynyń ekonomıkalyq fakúltetin, sonymen qatar Qyrǵyz memlekettik ýnıversıtetiniń zań fakúltetin bitirdi. Eńbek jolyn Almaty oblysynyń «Salqyn-saz» kooperatıvinen bastady, keıin Almaty qalasy Sovet aýdanynyń ákimdiginde sharýashylyq esep qyzmetiniń dırektory jáne atalǵan mekemede ınfraqurylymdy jáne áleýmettik salany damytý bóliminiń meńgerýshisi boldy.
2004 jyldan bastap Almaty qalasy boıynsha bas memlekettik ekologıalyq ınspektor, keıin Almaty qalasynyń aýmaqtyq qorshaǵan ortany qorǵaý basqarmasynyń basshysy, sonan soń QR Qorshaǵan ortany qorǵaý mınıstrliginiń Balhash-Alakól ekologıalyq departamenti basshysynyń orynbasary qyzmetin atqardy.
2009 jyldan bastap búgingi kúnge deıin Jambyl oblysynyń ákim apparatynyń basshysy, Jambyl oblysy ákiminiń orynbasary jáne Pavlodar oblysy ákiminiń orynbasary qyzmetterin atqardy.
Qorshaǵan ortany qorǵaý salasyndaǵy úlken jumys tájirıbesin eskere otyryp, Ǵanı Sádibekovke QR Energetıka mınıstrliginde ekologıa máselelerine jetekshilik etý tapsyrylyp otyr. Ol 2015 jyldyń tamyz aıynan bastap bos bolǵan laýazymǵa taǵaıyndaldy.
