Elimizde jergilikti búdjetten otan soǵysy ardagerleri men tylda eńbek etken ardagerlerge bir rettik járdemaqy retinde 2,6 mıllıard teńge bólindi,-dep habarlaıdy Qamshy.kz 31-arnaǵa silteme jasap.

Bul týraly Densaýlyq saqtaý jáne áleýmettik damý mınıstrligi málim etti. Búginde Qazaqstanda 3600-den asatyn soǵys ardageri men 176 myńdaı tylda eńbek etken ardagerler tirkelgen.

Byltyr el qazynasynan bul járdemaqy túrine 5,8 mıllıard teńge qarjy bólingen. Bıyl ardagerlerge qarjylaı kómek jergilikti búdjetke júktelipti. Eń qomaqty járdemaqyny astanalyq soǵys ardagerleri ıelenbek. Astana ákimdigi ár ardagerge 1 mıllıon teńge beredi. Al Óskemen qalasynda turatyn maıdanger qarttar 500 myń teńge alady. Ózge aımaqtarda árbir ardagerge 150 myń teńge qarastyrylǵan.