Endi saqshylar jol erejesin buzǵan júrgizýshilerdiń aıyppulyn kólik ishinen shyqpaı-aq tóleta alady, - dep habarlaıdy Qamshy.kz   31 arnaǵa silteme jasap.

Ala taıaǵymen birge arnaıy termınaldy ustap júrýge mindettelgen polıseıler jurtty uzyn-sonar kezekke turmaı, kartamen termınalǵa aıyppul tóleýge úıretemiz dep otyr.

- Eger de barmaımyn deseńiz, kezekte turyp, jumystan suranbaımyn deseńiz, osy jerde tóleı salýǵa bolady, 50 paıyzdyq jeńildikpen. Bir kúnniń ishinde bizde qazir 3 operasıa boldy, jol erejesin buzǵan adamdar kartamen tóledi, - deıdi Astana qalalyq İİD ÁPB bólim bastyǵy Nurjan Ádilov.

Ázirge astanalyq polıseıler qolynda uıaly telefonǵa uqsas termınaldyń 30-y bar. Qurylǵyǵa hattama nómiri men aıyppul mólsheri engizilgen soń, chektiń biri júrgizýshige beriledi. Bul senimdilik úshin. Ekinshisi qorǵa engiziledi. Tipti, jol erejesin buzbaı kóshede kele jatqan júrgizýshiniń ózi qaryzy baryn bilse, polıseıge kelip aıyppulyn tóleı alady.

Termınalmen qalaı qoldanýdy bank ókilderinen arnaıy úırengen saqshylar aqshany qolǵa almaımyz, demek jemqorlyq bolmaıdy dep otyr.