Qaraǵandyda zańsyz shekara asyp, Sırıaǵa attanbaq bolǵan jigit 6 jylǵa bas bostandyǵynan aıyryldy, - dep habarlaıdy Qamshy.kz Astana telearnasyna silteme jasap.

 34 jastaǵy 4 balanyń ákesine qatysty Qazybek bı aýdandyq soty osyndaı úkim shyǵardy. Ol jazasyn jalpy rejımdegi túzetý mekemesinde óteıtin boldy.  
 

«Ýsman Kasýmov Qylmystyq kodekstiń 392 baby 1-inshi bólimimen «Qazaqstan shekarasynan zańsyz asý áreketi» jáne «terorıstik toptarǵa qosylýǵa oqtalý» baptarymen aıyptaldy. Múlki tárkilenetin bolady», - deıdi Qaraǵandy oblystyq sotynyń baspasóz hatshysy Gúlbarshyn Jitikova
 

Oblystyq sottyń dereginshe, aıyptalýshy DAISH lańkestik uıymynyń quramyna kirýge oqtalǵan. Bul uıymnyń qyzmetine tıym salynǵanyn bile tura, osyndaı áreketke barǵan. Jerlesiniń qujatyn urlap alyp, sol qujat arqyly Qyrǵyzstanǵa ótip, keıin Túrkıaǵa ushyp barǵan. Qyrkúıek aıynda sol eldiń Gazıantep qalasynan Sırıaǵa attanǵaly turǵan jerinen túrik polıseıleriniń qolyna túsip, Qazaqstanǵa qaıtaryldy. Sot otyrysynda ol kinásin moıyndamady. Sırıaǵa aqsha tabý maqsatynda barmaq bolǵanyn aıtyp baqty. Alaıda, sot ony aıypty dep tanydy.