Prezıdent jarlyǵymen Qýandyq Bıshımbaev Ulttyq ekonomıka mınıstri bolyp taǵaıyndaldy, dep habarlaıdy Qamshy.kz.

Mınıstrlik ujymyna jańa basshyny premer-mınıstr Kárim Másimov tanystyrdy.

Q. Bıshımbaev 1980 jyly 11 sáýirde týǵan. Qazaq memlekettik basqarý akademıasynyń túlegi. 2001 jyly «Bolashaq» baǵdarlamasy boıynsha Dj. Vashıngton atyndaǵy ýnıversıtetten magıstr dárejesin alǵan.

2009-2015 jyldar aralyǵynda Prezıdent kómekshisi, ekonmıka jáne saýda vıse-mınıstri, «Samuryq-Qazyna» AQ basqarma tóraǵasynyń orynbasary, «Qazaqstan damý banki» dırektorlar keńesiniń múshesi, dırektorlar keńesiniń tóraǵasy, "Báıterek" ulttyq basqarý holdıńiniń tóraǵasy laýazymdaryn atqarǵan.

Esterińizge salsaq, keshe Ulttyq ekonomıka mınıstri Erbolat Dosaev pen onyń orynbasary Qaıyrbek Óskenbaev qyzmetterinen bosaǵan bolatyn.