Asqar Myrzahmetov QR aýyl sharýashylyǵy mınıstrligi bolyp taǵaıyndaldy, - dep habarlaıdy Qamshy.kz Aq ordanyń baspasóz qyzmetine silteme jasap.

«Myrzahmetov Asqar Isabekuly QR aýyl sharýashylyǵy mınıstri bolyp taǵaıyndalsyn», - Elbasynyń jarlyǵynda.

Buǵan deıin aýyl sharýashylyǵy mınıstri Asyljan Mamytbekovtyń  otstavkaǵa ketkeni habarlanǵan bolatyn.

Asqar Myrzahmetov bul taǵaıyndaýǵa deıin 2015 jyldyń tamyzynan beri «Nur Otan» partıasynyń birinshi orynbasary bolǵan edi.

2009-2015 jj Ońtústik Qazaqstan oblysynyń ákimi, 2007-2009 jyldary «Ońtústik» áleýmettik-kásipkerlik korporasıasy» aksıonerlik qoǵamynyń basqarma tóraǵasy, 2005-2006 jyldary  Qazaqstannyń Ózbekstandaǵy ókiletti elshisi sıaqty túrli qyzmetterdi atqarǵan.

Osylaısha Prezıdent komandasyndaǵy senimdi kadr, ońtústik óńirdiń ekonomıkasyn órge súıregen, úlken saıası naýqandar barysynda bas partıanyń tizginin ustaǵan Asqar Myrzahmetovke sharýasy shatqaıaqtaı bastaǵan aýylsharýashylyǵy mınıstrligin basqarý mindeti júktelip otyr. Osy rette aýyldaǵy aǵaıynnyń Asqardaı azamattan zor úmit kúteri anyq.