Búgin barsha qazaq balasy toılaıtyn – Otan qorǵaýshylar kúni. Álmısaqtan eli men jerin qorǵaýdy bas amandyǵynan artyq kóretin Alash jurty álemdegi Otany bar birneshe ulttyń bireýi. Bul Alla Taǵalynyń qazaqqa syılaǵan uly nyǵmeti desek qatelespeımiz. Óziniń keń darhan peıiline qaraı osynsha baıtaq dalany qushaǵyna syıdyrǵan Qazaq eli Dúnıejúzindegi keregesi keń, terezesi teń memleketterdiń biri. Tarıhtyń qıly kóshinde Uly dalamyz ultaraqtaı qıylyp, atadan bala, baladan ana kóz jazyp qalǵan kezeńder ótti. Aırandaı uıyp otyrǵan Alash jurty shekaranyń syzyǵymen bólinip qaldy. Álemdegi úsh qazaqtyń biri óz Otanyna jyraqta júr...

Qudaıǵa myń shúkir! Táýelsizdik tańy atysymen asyldyń synyǵy, tulpardyń tuıaqtary Atajurtqa bet burdy. «Qazaq kóshi» qarqyn aldy. Memlekettiń irgesin bekemdep, shetelden kelgen 1 mıllıon qazaq Otanynda otaýyn tikti...  Kók týyn jelbiretip, shekarasyn nyqtaǵan elge, mine, 25 jyl tolyp otyr. «Aınalaıyn, Qazaqstanym» áni osyndaı mereıli kúnde júrekten shyqty.

Iá, kásibı kompozıtor emespin. Men tek qana saǵynyshty júrekke túsken sary dalanyń sarynyn jetkizdim... Mereke qutty bolsyn, Alty Alash!