Aqparat jáne komýnıkasıa mınıstri Dáýren Abaevtan jer reformasyna narazylyq bildirgen qazaqstandyq belsendilerdi belgisizder qarjylandyryp jatyr delingen derekterdi anyqtaý suraldy, - dep habarlaıdy Qamshy.kz Tengrinews.kz – ke silteme jasap.
"Men óz pikirimdi aıtqym keledi. Munda bizde jańa mınıstr bar, Dáýren Abaev myrza, sońǵy kúnderi kóshege shyǵyp jatqan adamdar batys agentteri dep tanystyrylyp jatyr, olardy batystyń agentteri deıdi, olar 100-150 dollar alady delindi, muny keıbir telearnalar aıtyp jatyr. Menińshe, eger solaı taratyp jatqan jýrnalıserdiń dáleli bolsa, ony bizge kórsetsin. Al eger mundaı dálelderi bolmasa, qandaı da bir sharalardy júrgizý qajet. Menińshe, siz mınıstr retinde shara qabyldaýyńyz kerek, bizdiń sizge osyndaı ótinishimiz bar", - dedi jer reformasy jónindegi komısıanyń birinshi otyrysy kezinde Bolathan Taıjan qorynyń prezıdenti Muhtar Taıjan.
Soǵan qaraǵanda, Muhtar Taıjan "Eýrazıa" Birinshi arnasynyń shyǵarylymdary jaıly aıtyp otyrǵan bolýy múmkin. Sáýir aıynyń sońynda bul telearnada "Qazaqstanda aıdap salýlar úshin jaqsy tólendi" degen ataýmen vıdeo jarıa bolǵan edi, tilshileriniń aıtýynsha, ruqsat etilmegen qazaqstandyq belsendilerdiń árqaısysyna 50-150 dollar aralyǵynda aqsha tólengen.
Sol kezdiń ózinde bul málimet áleýmettik jelilerde daý týǵyzǵan edi. Qoldanýshylar bul derekterdiń kúdik týǵyzatynyn aıtqan bolatyn.
Al 14 mamyrda "Eýrazıa" telearnasy "belsendilerdi qarjylandyrý" taqyrybynda vıdeo jarıa etti. Rolık "Zańsyz jıyndardyń qarjylandyrǵanynyń dálelderi"degen ataýmen shyqqan bolatyn.
