Shynymdy aıtaıyn, men GGG-di essiz jaqsy kórdim. Onyń tegeýrindi "tóbelesteriniń" birin qaldyrmaı tamashalaıtynmyn...

Sońǵy kezderi onyń judyryryqtasýlary maǵan unamaıtyn bolyp júr. 
Bul sporttyq saıystan góri, saıası jobaǵa kóbirek uqsap barady. 
Bul oıym úshin jek kórip jatsańyz, oǵan da maqul. 
Máselen, bizdiń bılik Qazaqstan «kópultty» memleket ekenin jahanǵa jar salýdan jaǵy talmaı keledi. 

Sol ulttardyń (durysy dıaspora) ishindegi «ulysynan» batyr shyǵarý - memlekettiń basty saıasaty sekildi kórinedi. 

Genaǵa "Ákem - orys, sheshem - káris, ózim - qazaq" degen sóz aıtqyzý - osy sózimniń dáleli ispetti. Onyń qazaq shapanyn kıip, rıngke kóterilýi de tegin emes. Saılaý kezinde "Nur-Otannyń" sapynda bolýy da biraz jaıdy ańǵartady. Aıta bersek, mysal kóp... 

«Gena sekildi «sýǵa salsa batpaıtyn, otqa salsa janbaıtyn» batyr ne úshin kerek?» deıtin shyǵarsyz. Qýanyshy joq halyqty bir jelpindirý úshin... Ideologıasy álsiz ultty aldarqatý úshin... Sol sebepti, Genaǵa álsiz qarsylastar tańdalady. Olar alǵashqy raýndtarda-aq jeńilip, mıllıondardy qaltasyna basady. Bizdiń qazaq - soǵan máz.
Óziniń tól, Ulttyq panteonyn (mektep, taǵy basqalar salýǵa bolady-mys))))) salatyn aqshasy aıdaladaǵy AQSH-ta shashylyp, kóringenniń qaltasyna ketip jatqanda sharýasy joq (Bulaı bolmaýy da múmkin. Biraq, meniń túısigim osylaı deıdi). 
Árıne, Gena myqty jigit. Men onyń talantyn qyzǵanatyn bokser emespin. 
Desek te, ulttyq ıdeologıany máńgilik etý úshin bar qarjy ulttyq mádenıetke, ulttyq ádebıetke jumsalýy kerek edi. Tarıhshylar sol shashylǵan aqshaǵa ulttyń tarıhyn jazyp, tasqa qashaýy tıis edi.

Endi, mine, búgin «Genanyń qarsylasy belbeýin tastaı qashty» dep taqıany aspanǵa laqtyryp jatyrsyzdar! «Ol belbeýdi bizdikiler qanshaǵa satyp aldy eken?» dep men otyrmyn. Eldegi bas taqyrypty ózgertý úshin Gena batyr jáne kómekke keldi. Bul kómek nátıjeli bolǵaı!

Qanat Ábilqaıyrdyń Feısbýktegi paraqshasynan alyndy