Qazaqstannyń ulttyq ekonomıka mınıstri Qýandyq Bıshimbaevtiń halyqpen esep berý kezdesýi barysynda 2016-2017 jyldary ekonomıkalyq ósýdi yntalandyrý jáne jumyspen qamtýdy qamtamasyz etý jónindegi qosymsha sharalar jospary týraly aıtty, - dep habarlaıdy Qamshy.kz. UEM baspasóz qyzmetine silteme jasap.
«Nurly jol» memlekettik baǵdarlamasy sheńberinde ınfraqurylymdyq jobalardy jáne ekonomıkanyń basym salalaryndaǵy ınvestısıalyq jobalardy iske asyrýdy jedeldetý boıynsha jumys kózdelgen.
«Aǵymdaǵy jylǵy qyrkúıek aıynda 2016 jylǵa arnalǵan respýblıkalyq búdjet naqtylatyn bolady, ol kirister boıynsha boljamdy ulǵaıtýdy jáne 2015 jyldyń paıdalanylmaǵan qarajatyn tartýdy kózdeıdi. 144,5 mlrd. teńge kólemindegi qosymsha qarajat 2016 – 2017 jyldary ekonomıkanyń ósýine mýltıplıkatıvtik áseri bar «Nurly jol» memlekettik baǵdarlamasynyń sheńberinde ınfraqurylymdyq jobalardy iske asyrýdy jedeldetýge, agroónerkásiptik keshen jáne óńdeý ónerkásibiniń jobalaryn qarjylandyrýǵa baǵyttalatyn bolady» - dedi Bıshimbaev.
Budan basqa, 2016 jyl sońyna deıin ekonomıkanyń ósýin qatamasyz etý úshin «Nurly jol» memlekettik baǵdarlamasy jáne 2016 jylǵy daǵdarysqa qarsy qosymsha sharalar jospary sheńberinde josparlanǵan qarajatty paıdalaný tıimdiligin arttyrý josparlanyp otyr.
Turǵyn-úı qurylysyna bólingen 70,3 mlrd teńge mólsherindegi ýaqytsha bos qarajat jáne 85,1 mlrd. teńge mólsherindegi BJZQ-ń qarajaty (barlyǵy 155,3 mlrd teńge) aınalym kapıtalyn qarjylandyrýǵa, «Báıterek» UBH» AQ arqyly 2017 jyldyń maýsymyna deıin qaıtarýymen qaıta óńdeı ónerkisibin eksport aldy jáne eksporttyq nesıeleýge baǵyttalatyn bolady.
Ekonomıkanyń ósýine jyldam áser etý úshin a.j. ekinshi jartyjyldyǵynda ishki suranysty yntalandyrýǵa úkimettiń arnaıy rezervi esebinen 91,5 mlrd. teńge baǵyttalatyn bolady.
Sonymen qatar, ónim shyǵarýdyń qysqarýy baıqalyp otyrǵan ekonomıka salalarynda óndiris kóleminiń ósýin qamtamasyz etiledi.
«Jalpy óńdeý ónerkásibinde ósýdi yntalandyrý úshin magıstraldyq temirjol jelisi jáne elektr energıasy qyzmetterine ýaqytsha tómendetý koefısıentin, jeńildikti shartpen aınalym kapıtalyn, lızıńtik qarjylandyrýdy jáne eksporttyq/eksportaldy kredıtteýdi usyný jónindegi, sondaı-aq syrtqy saýdany retteý sharalary qabyldanatyn bolady» - dep habarlady Bıshimbaev.
Mınıstrdiń pikirinshe osy sharalar 2016 jylǵy maýsym-shildede ekonomıkanyń ósýine múmkindik beretini, 2016 jyl qorytyndysy boıynsha - 0,5% deńgeıinde kútilýde.
