QR Baılanys jáne aqparat qyzmetkerleri kúnine oraı ál-Farabı atyndaǵy Qazaq ulttyq ýnıversıteti jýrnalısıka fakúlteti bitirýshilerge dıplom tapsyrý jáne olardan Shákirttik ýáde qabyldaý saltanatyn ótkizdi, - dep habarlaıdy Qamshy.kz.
Ál-Farabı kitaphanasyna jınalǵan respýblıkamyzǵa belgili jýrnalıser men bitirýshilerge ýnıversıtettiń oqý isi jónindegi prorektorynyń mindetin atqarýshy Asqar Hıkmetov Rektordyń quttyqtaý sózin jetkizdi. «Shákirttik ýádesin bergen bolashaq mamandar kásibine adal bolady degen oımen osy sharany uıymdastyryp otyrmyz», - dedi jýrnalısıka fakúltetiniń dekany S. Medeýbekuly kirispe sózinde.
Shara barysynda Memlekettik emtıhan tóraǵalary (qazaq jáne orys bólimderiniń) «Mysl» jýrnalynyń Bas redaktory Seıdahmet Qutttyqadam men «Aqıqat» jýrnalynyń Bas redaktory Amanhan Álim Memlekettik emtıhan jáne dıplom qorǵaý qorytyndylaryna toqtalyp, bitirýshilerdiń bilim deńgeıine rızashylyqtaryn bildirdi.
Shara QR Baılanys jáne aqparat qyzmetkerleri kúnine oraı ýnıversıtetimizdiń ómirine belsene atsalysyp kele jatqan jumys berýshi áriptesterimizdi «Ál-Farabı atyndaǵy Qazaq ulttyq ýnıversıtetine 80 jyl» merekelik medalimen marapattaý rásimine ulasty. Atap aıtqanda, «Alataý» baspasynyń dırektory Yrym Kenenbaev, «Túrkistan» halyqaralyq aptalyǵynyń halyqaralyq sholýshysy Názıa Joıamergenqyzy, sondaı-aq, ýnıversıtettiń erekshe eńbegimen kóringen ustazdary osy medalmen jáne Rektordyń Alǵys hatymen marapattaldy. Kelesi kezekte Qazaqstan Jýrnalıser Akademıasynyń Prezıdenti Saǵymbaı Qozybaev birqatar BAQ ókilderine akademıanyń dıplomyn tapsyrdy.
Ýnıversıtet túlekteri sharaǵa arnaıy shaqyrylǵan qonaqtardyń, atap aıtqanda Prezıdent ákimshiligi Baspasóz qyzmeti Almaty bóliminiń bastyǵy Valerıı Jandaýletovtiń, Májilis depýtaty Artýr Platonovtyń, «Qazaq gazetteri» JSHS prezıdenti Jumabek Kenjalınniń, «Qazaq radıosy» Almaty fılıalynyń Bas redaktory Murat Muqashtyń, «Svoboda slova» gazetiniń Bas redaktory Janna Oıshybaevanyń, «Qazaqstan» TRK prodúseri Jańyl Asylbekovanyń, «Gúlstan» jýrnalynyń Bas redaktory Batıma Qabdoldanovanyń jáne t.b.qolynan dıplom ala otyryp, kásibı qyzmet ádebine adal ekendikterin is barysynda joǵary jetistiktermen dáleldeýge ýáde berdi. Shara sońy konserttik baǵdarlama men bitirýshilerdiń ásem bıine ulasty.
Nazgúl Shyńǵysova
Ál-Farabı atyndaǵy QazUÝ profesory
